SUN குழுமத்திலிருந்து வெளிவரும் காலை நாளிதழ்

அறிவுடையோர் யார்?

2018-06-25@ 16:01:54

இறைத்தூதர் யூசுப் நபியின் அழகிய வரலாற்றைத் திருக்குர்ஆனின் 12ஆம் அத்தியாயம் விரிவாக எடுத்துரைக்கிறது. இந்த அழகிய வரலாற்றை முழுமையாக விவரித்த  பிறகு,  அத்தியாயத்தின் இறுதியில் இறைவன், “முற்காலத்தில் வாழ்ந்த மக்களின் இவ்வரலாறுகளில் அறிவுடையோர்களுக்கு (உலில் அல்பாப்) அரிய படிப்பினை உள்ளது” என்று குறிப்பிட்டுள்ளான். இறைவன் குறிப்பிடும் அந்த ‘அறிவுடையோர்கள்’யார்? அவர்களின் தன்மை என்ன? பண்புநலன்கள் எப்படி இருக்கும்? அவர்களுக்கான வரைவிலக்கணம் என்ன? இதற்கு விடை அடுத்த 13ஆம் அத்தியாயத்தில் (அர்ரஅத்) உள்ளது. அறிவுடையோர்கள் (உலில் அல்பாப்) எத்தகையவர்கள் எனில்...

1. இறைவனுடன் செய்துகொண்ட உடன்படிக்கைகளை நிறைவேற்றுவார்கள்.
2. உறுதிப்படுத்திய பிறகு அந்த உடன்படிக்கைகளை முறிக்க மாட்டார்கள்.
3. எந்தெந்த உறவுமுறைகளைப் பிணைத்து வைக்கும்படி இறைவன் கட்டளையிட்டுள்ளானோ அந்தந்த உறவுமுறைகளைப் பிணைத்து வைக்கின்றார்கள்.
4. தம் இறைவனுக்கு அஞ்சி நடந்து கொள்வார்கள்.
5. மறுமையில், கடுமையான முறையில் தம்மிடம் கணக்கு கேட்கப்படுமோ என்று அஞ்சிக் கொண்டிருப்பார்கள்.
6. இறைவனின் உவப்பை நாடி பொறுமையைக் கைக்கொள்கிறார்கள்.
7. தொழுகையை நிலைநாட்டுகிறார்கள்.
8. அவர்களுக்கு நாம் வழங்கியவற்றிலிருந்து மறைவாகவும் வெளிப்படையாகவும் செலவு செய்கிறார்கள்.
9. தீமையை நன்மையைக் கொண்டு களைகிறார்கள்.
10. மறுமையின் நல்ல முடிவு இவர்களுக்கே உரித்தானது. (குர்ஆன் 13:2022) இவைதாம் அறிவுடையோர்களின் பண்பு நலன்கள். இந்தப் பண்பு நலன்கள் நம்மிடம்  இருக்கின்றனவா? இருந்தால் நாமும் அறிவுடையோர்கள்தாம்.

இந்த வார சிந்தனை

“இவர்களுக்கு(இத்தகைய அறிவுடையோர்களுக்கு) நிலையான சுவனங்கள் இருக்கின்றன. அவற்றில் அவர்கள் நுழைவார்கள்.” (குர்ஆன் 13:23)

சிராஜுல்ஹஸன்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 19-02-2019

    19-02-2019 இன்றைய சிறப்பு படங்கள்

  • artexpo

    சென்னையில் ஓவியர் சீனிவாசலு நினைவாக கலானுபாவா ஓவிய கண்காட்சி

  • modimeetmaurico

    பிரதமர் மோடியுடன் அர்ஜென்டினா அதிபர் மவுரிசியோ மக்ரி சந்திப்பு : முக்கிய ஒப்பந்தங்கள் குறித்து பேச்சுவார்த்தை

  • Switzerlandhorse

    சுவிட்சர்லாந்தில் உற்சாகத்துடன் களைகட்டிய குளிர்கால ஹார்ஸ் ரேஸ் போட்டி

  • germanyrecord

    ஜெர்மனியில் கார்ட்டூன் கதாப்பாத்திரம் போன்று வேடமிட்டு 2,762 பேர் ஒரே இடத்தில் நடனமாடி சாதனை

படங்கள் வீடியோ கல்வி சினிமா ஜோ‌திட‌ம்