SUN குழுமத்திலிருந்து வெளிவரும் காலை நாளிதழ்

வாள் பள்ளிவாசல்!

2018-06-14@ 15:37:13

மதுரை அருகே களிமங்கலம் முஸ்லிம் ஜமாத் பள்ளிவாசல் நூற்றாண்டை கடந்திருக்கிறது. உள்புறம் பாறைத் தூண்களுடன் கற்கட்டட பழமையும், வெளிப்புறம் நவீன சீரமைப்பும் என மிளிர்கிற இப்பள்ளிவாசலின் சிறப்பு, குத்பா ஓதும்போது வழக்கமாக பள்ளிவாசல்களில் தொழுகை நடத்துபவர் தன் கையில் இருக்கும் கைத்தடிக்குப்பதில் ஐந்தடி நீள ‘வாள்’ வைத்திருப்பதுதான். கலைநயமிக்க கைத்தடிகளுடன் பல பள்ளிவாசல்கள் இருக்க, ‘வெற்றிச்சின்னமாக’ கருதும் இதுபோன்ற வாள் கொண்ட பழமைப் பள்ளிவாசல்கள் தமிழகத்தில் இன்று விரல் விட்டு எண்ணும் அளவே இருக்கின்றன. கூரைப்பள்ளிவாசலை மாற்றி நூறாண்டுக்கு முன்பு 1909 ஜன.3ல் சாலைவசதியற்ற ஒரு ஊருக்கு பெரும் தூண்களைக் கொண்டு வந்து இப்பள்ளிவாசலை எப்படி வடிவமைத்தனர் என்பதே ஆச்சர்யத்திற்குரியது.

நவாப் காலத்து நீளமான வாள் மட்டுமல்லாது, தொழுகைக்கும், வைக்கோல், குடிசைத் தீ விபத்துகள், கண்மாய் உடைதல் என ஆபத்து நேரங்களுக்கும் மக்களைத் திரட்ட அடிக்கப்பட்ட ‘நகரா’ எனும் பழமையான ‘முரசு’ம் இப்பள்ளியில் இருக்கிறது. இன்றும் தொழுகைக்கான அழைப்பாக மட்டுமல்லாது திருமணச்சேதி தெரிவிக்கவும், நோன்பு காலங்களிலும் இந்த நகராச் சத்தத்தை ஒலிக்க விடுகின்றனர். பள்ளிவாசலுக்குள் இருக்கிற மிகப்பழமையான  இரும்புப்பெட்டியை முப்பது பேர் சேர்ந்தாலும் தூக்க முடியாது. ஏழு சாவியில் ஒரு சாவி போடாவிட்டாலும் திறக்க முடியாது. இப்படி பழமை அடையாளம் காட்டி இந்த பள்ளிவாசல் நிற்கிறது.

ஸமிஉன்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 24-02-2019

    24-02-2019 இன்றைய சிறப்பு படங்கள்

  • 23-02-2019

    23-02-2019 இன்றைய சிறப்பு படங்கள்

  • chennai_pkankatchui1

    சென்னை போட்டோ பியானாலேவின் 2வது புகைப்பட கண்காட்சி!!

  • israelmoonshuttle

    சந்திரனில் ஆய்வு நடத்த வெற்றிகரமாக விண்கலம் அனுப்பி இஸ்ரேல் சாதனை

  • chennai_laksh1

    திருவேங்கடமுடையான் வெங்கடேச பெருமாள் கோயிலில் ஆண்டாளுக்கு லட்சார்ச்சனை விழா

படங்கள் வீடியோ கல்வி சினிமா ஜோ‌திட‌ம்