SUN குழுமத்திலிருந்து வெளிவரும் காலை நாளிதழ்

அறம்காக்க அவதரித்த ஆதிசங்கரன்

2018-05-07@ 12:15:49

அறமழிந்து மண்ணில் தவமிழந்து உறவிலா மதங்கள் மேகமாய் நிறைவிலா கொள்கை கொண்டது! அறமென பாரில் இந்துமதம் தழைக்க ஆயிரமாதவன் ஒளிக்கதிர் ஞானமாய் ஆதிசங்கரன் காலடி உதித்தான்! காலடி உதித்த ஞானப்பிள்ளையவன் காலடியில் பணிந்தது காலச்சக்கரம்! பொய்நுரை பொங்கும் கடல்மூழ்கி மெய்க்கரை சேர்ந்த துறவி-தர்மம்மீது அக்கறை கொண்ட சக்கரவாகப்பறவை நன்மை, இன்பம் தரும் சங்கரப்பறவை!இரண்டல்ல ஒன்றென்பது அத்வைதம் இரக்கம் காட்டும் உயிர்களிடம் உயர்வேதம்!
மும்முறை பாரதம் வலம் வந்த பூப்பாதம்! முரண்பட்டவரை வென்றுநின்றதுன் வாதம்!

முப்பத்திரெண்டு அகவை அகிலம் வாழ்ந்தாய்!
மூப்பிலா வேதமளித்து குருவாய் உயர்ந்தாய்!
தாயை முதல் தெய்வம் என்றழைத்தாய்!
தடம்மாற்றி நதியை வீட்டுக்கழைத்தாய்!
சூரியகரத்தாலவள் சிதைக்கு தீ மூட்டினாய்!
இருள்சூழ் உலகில் ஞானதீ ஏற்றினாய்!
மனிதரில் வேறுபாடில்லை என்றாய்!
மனதின் வேறுபாடே கலகம் என்றாய்!
திருசக்கரம் பதித்தது உன் கரங்கள்-அந்த
திருக்கோவில் தோறும் குவிந்தது ஜனங்கள்!
நெல்லிக்கனி கொண்டு செல்வமழை பொழிந்தாய்!
புல்விளைந்த வீட்டில் நெல்மணிகள் குவித்தாய்!
உள்ளத்தின் அழகு உண்மை என்றாய்!
வாய்க்கழகு வாய்மை கடைபிடி என்றாய்!
ஆழிசூழ் உலகின் ஆதிகுருவே!
அர்த்தமுள்ள இந்துமத தியாக உருவே!
இளமை, செல்வம், ஆயுள் நிலைக்காது
இன்பம் தருமுன் வாய்மொழி ரத்தினமாலை!
வாழ்வுநெறி வகுத்து தந்த பரமகுருவே!
வானம், பூமி வணங்கும் வள்ளல்மனமே!
அறம்காக்க அவதரித்த ஆதிசங்கரன்
உரம்போட்டு பக்திவளர்த்த உத்தமகுரு!
மடங்கள் நிறுவி மனிதம் காத்த மகேசனவன்
மறைந்தும் வாழுகின்ற தெய்வ தத்துவம்!
மஞ்சள்வெயில் மேனியெங்கும் அன்பு முத்திரை
மண்ணுயிர் நலம் பெற வந்த சித்திரை!
பிறந்து பிறந்து இறக்கின்ற உலகினில்
கோவிந்தன் புகழ்பாடு மூடமனமே!
தாய் போற்று, குரு போற்று, வேதம் போற்று
தர்மம் போற்று, நலம் யாவும் நாடி போற்று!
சங்கரகுரு சரணடைவோம் சங்கடம் தீ்ர்ப்பான்!
சக்தியுடன் பரமன் வந்து முக்தியை தருவான்!

மேலும் செய்திகள்

Like Us on Facebook Dinkaran Daily News
  • MauCylinderBlastUP

    உ.பி.யில் சமையல் எரிவாயு சிலிண்டர் வெடித்து சிதறியதில் வீடு இடிந்து பெரும் விபத்து: 12 பேர் உயிரிழந்த பரிதாபம்!

  • NorthEastSyriaTurkey

    சிரியாவின் வட கிழக்கு பகுதியில் தொடர்ந்து வான்தாக்குதல் நடத்தி வரும் துருக்கி: அப்பாவி பொதுமக்கள் 9 பேர் உயிரிழப்பு!

  • DutchKingIndiaVisit

    அரசு முறை பயணமாக இந்தியா வந்துள்ள நெதர்லாந்து மன்னர்...: குடியரசு தலைவர் மாளிகையில் சிவப்பு கம்பள வரவேற்பு- புகைப்படங்கள்

  • SaddleridgeFire19

    கலிபோர்னியாவில் உள்ள அடர்ந்த காட்டுப்பகுதியில் கொழுந்து விட்டு எரியும் தீ..: பல ஏக்கர் நிலம் நாசம், லட்சக்கணக்கானோர் வெளியெற்றம்!

  • EcuadoranProtest2k19

    பொருளாதார சீர்திருத்தங்களை கண்டித்து ஈக்வடார் நாட்டில் அரசுக்கு எதிராக வெடித்த போராட்டம்: இதுவரை 7 பேர் பலி!

படங்கள் வீடியோ கல்வி சினிமா ஜோ‌திட‌ம்