பொள்ளாச்சி: பொள்ளாச்சி அன்னை கஸ்தூரிபாய் வீதியில் உள்ள வெள்ளையம்மன், பொம்மியம்மன் உடனமர், மதுரை வீரன், பட்டத்தரசியம்மன் கோயில் 34ம் ஆண்டு உற்சவ திருவிழா கடந்த மாதம் 17ம் தேதி நோன்பு சாட்டுதலுடன் துவங்கியது. கடந்த 29ம் தேதி கிராம சாந்தியும், 30ம் தேதி சக்தி கும்பம் தீர்த்தம் எடுத்துவரப்பட்டது. நேற்று முன்தினம் மதுரைவீரன், பட்டத்தரசியம்மன் உற்சவ சிலையில் திருவீதி உலா நிகழ்ச்சி நடந்தது. இதை தொடர்ந்து நேற்று காலையில் மாவிளக்கு வழிபாடும். அதன்பின் திருக்கல்யாண உற்சவமும் நடந்தது. இதில் பெண்கள் திரளாக கலந்து கொண்டனர். இன்று 3ம் தேதி பொங்கல் வழிபாடு நடக்கிறது. நாளை 4ம் தேதி மஞ்சள் நீராடுதலும், 5ம் தேதி சிறப்பு அபிஷேக பூஜையும் நடக்கிறது.