மரக்காணம்: மரக்காணம் பேருந்து நிலையம் அருகில் அமைந்துள்ளது சாந்தசொரூப ஆஞ்சநேயர் கோயில். இக்கோயிலில் சித்திரை மாத பிறப்பை முன்னிட்டு 26ம் ஆண்டு லட்ச தீப விழா நடந்தது. இதையொட்டி காலை 7 மணி முதல் ஆஞ்சநேயர் சுவாமிக்கு பல்வேறு அபிஷேக ஆராதனைகள் நடந்தது. தொடர்ந்து மூலவர் சுவாமிக்கு சந்தனக்காப்பு, வடை மாலை அணிவித்தல், துளசி மாலை அணிவித்து கோயில் வளாகத்தில் சிறப்பு யாகங்கள் நடந்தது. இதன் முக்கிய நிகழ்ச்சியாக மாலை 6 மணிக்கு தீபம் ஏற்றும் நிகழ்ச்சி நடந்தது. இதில் திரளான பெண்கள் கலந்துகொண்டு அகல் விளக்கில் தீபம் ஏற்றினர்.

மரக்காணம் மற்றும் சுற்றுப்புற பகுதிகளில் இருந்து திரளான பக்தர்கள் கலந்துகொண்டனர். ஏற்பாடுகளை கோயில் நிர்வாகத்தினர் மற்றும் பொதுமக்கள் செய்து இருந்தனர். சங்கராபுரம்: சங்கராபுரம் அடுத்த ராவத்தநல்லூர் கிராமத்தில் உள்ள ஆஞ்சநேயர்  கோயிலில் சுவாமிக்கு சிறப்பு வழிபாடு செய்யப்பட்டு தீபாராதனை காண்பிக்கப்பட்டது. பின்னர் இரவு சாமி வீதியுலா நடந்தது. இதில் சங்கராபுரம், ராவத்தநல்லூர், புதுப்பேட்டை, புதுப்பாட்டு, புதூர், பிரம்மகுண்டம் உட்பட பல கிராமங்களில் இருந்து ஏராளமான பக்தர்கள் கலந்து கொண்டு சாமி தரிசனம் செய்தனர்.