SUN குழுமத்திலிருந்து வெளிவரும் காலை நாளிதழ்

கோவில்பட்டி செண்பகவல்லியம்மன் கோயில் : பங்குனி பெருந்திருவிழாவில் தெப்பத்தேரோட்டம்

2018-04-16@ 14:24:03

கோவில்பட்டி: கோவில்பட்டி செண்பகவல்லியம்மன் கோயில் பங்குனி பெருந்திருவிழாவில் தெப்பத்தேரோட்டம் நடந்தது. ஆயிரக்கணக்கான பக்தர்கள் கலந்து கொண்டனர். கோவில்பட்டி செண்பகவல்லி அம்பாள் உடனுறை பூவனநாத சுவாமி கோயில் பங்குனி பெருந்திருவிழா கடந்த 5ம்தேதி கொடியேற்றத்துடன் துவங்கியது. விழாவின் சிகர நிகழ்ச்சியாக கடந்த 13ம் தேதி கம்மவார் சங்கம் மண்டகபடிதாரர் சார்பில் தேரோட்டமும், நேற்று முன்தினம் தீர்த்தவாரி திருவிழாவும் நடந்தது. விழாவின் நிறைவு நாளான நேற்று கோவில்பட்டி நாடார் உறவின்முறை சங்கம் மண்டகபடிதாரர் சார்பில் நடந்தது.

இதையொட்டி காலையில் சுவாமி, அம்பாளுக்கு சிறப்பு அபிஷேகமும், அலங்கார தீபாராதனையும் நடந்தது. தொடர்ந்து காலை 10.40 மணிக்கு கோயிலில் வைத்து யாகசாலை பூஜையும், அபிஷேகமும் நடந்தது. தொடர்ந்து மாலை 6 மணிக்கு மேளதாளம் முழங்க அம்பாள் வீதி உலா புறப்பட்டு அடைக்கலம்காத்தான் மண்டபம் சென்றடைந்தது. தொடர்ந்து அங்கிருந்து அம்பாள் வீதி உலா புறப்பட்டு தெப்பத்திற்கு வந்தடைந்து. இரவு 8.15 மணியளவில் தெப்பத்தில் மலர்களால் அலங்கரிக்கப்பட்ட தேரில் 9 முறை உலா வந்து பக்தர்களுக்கு காட்சி அளித்தல் வைபவமும் நடந்தது.

விழாவை முன்னிட்டு இரவில் நாடார் உறவின்முறை சங்கம் சார்பில் அடைக்கலகாத்தான் மண்டபம் அருகே இன்னிசை கச்சேரியும், நாடார் காமராஜ் மெட்ரிக்குலேசன் பள்ளியில் அன்னதானமும் நடந்தது. கோயில் செயல் அலுவலர் பாலசுப்பிரமணியராஜன், தலைமை எழுத்தர் ராமலிங்கம், நாடார் உறவின்முறை சங்க தலைவர் பழனிசெல்வம், சங்க துணை தலைவர் செல்வராஜ், செயலாளர் ஜெயபாலன், பொருளாளர் சுரேஷ்குமார், பொதுநல மருத்துவமனை தலைவர் திலகரத்தினம், தெப்ப தேர்த்திருவிழா கமிட்டியை சேர்ந்த முருகன், ஜோதிபாசு, பாலமுருகன், சீனிவாசன், சோலையப்பன், மாணிக்கம், சத்திய
மூர்த்தி, சண்முகசுந்தரம், சந்திரசேகர், வைத்தியலிங்கம், தெய்வேந்திர பூபதி உட்பட ஆயிரக்கணக்கான பக்தர்கள் கலந்து கொண்டனர்.
கோவில்பட்டி டிஎஸ்பி ஜெபராஜ் தலைமையில் ஏராளமான போலீசார் பாதுகாப்பு பணியில் ஈடுபடுத்தப்பட்டனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 16-12-2018

    16-12-2018 இன்றைய சிறப்பு படங்கள்

  • lisbon_tramp11

    லிஸ்பனில் டிராம் ரயில் தடம் புரண்டு விபத்து : 28 பேர் காயம்

  • 15-12-2018

    15-12-2018 இன்றைய சிறப்பு படங்கள்

  • AmazonIllegalMining

    அமேசான் மழைக்காடுகளில் தங்கம் எடுக்க சட்டவிரோதமாக தோண்டப்படும் சுரங்கங்கள்..: போலீசார் தீவிர சோதனை

  • chinasnowfall

    கடும் பனிப்பொழிவால் வெண் போர்வை போர்த்தியது போல காணப்படும் சீனாவின் கண்கவர் புகைப்படங்கள்

படங்கள் வீடியோ கல்வி சினிமா ஜோ‌திட‌ம்