SUN குழுமத்திலிருந்து வெளிவரும் காலை நாளிதழ்

கங்கைகொண்ட சோழபுரம் கோயிலில் மாசிமக பிரமோற்சவ விழா : கொடியேற்றத்துடன் துவக்கம்

2018-02-21@ 12:53:43

ஜெயங்கொண்டம்: கங்கைகொண்டசோழபுரம் பிரகதீஸ்வரர் ஆலயத்தில் மாசிமக பிரமோற்சவ விழா கொடியேற்றத்துடன் துவங்கியது. வரும் மார்ச் 1ல் தீர்த்தவாரி நடக்கிறது. அாியலூர் மாவட்டம் ஜெயங்கொண்டம் அருகே உள்ள கங்கை கொண்டசோழபுரத்தில் பிரஹன்நாயகி அம்பாள் சமேத பிரகதீஸ்வரர் கோவில் உள்ளது. மாமன்னன் ராஜேந்திரசோழன் கங்கை வரை படையெடுத்து வெற்றி பெற்றதன் அடையாளமாக கி.பி.1036ல் இக்கோயிலை கட்டினார். கட்டிட கலைக்கு சிறந்த எடுத்துக்காட்டாக தஞ்சை பெரிய கோயிலை போன்றே கட்டப்பட்ட இக்கோயில் யுனெஸ்கோவால் உலக மரபு சின்னமாக அறிவிக்கப்பட்டுள்ளது. வரலாற்று சிறப்புமிக்க இக்கோயிலில் பல ஆண்டுகளுக்கு பின்னர் புதிய கொடிமரம் கடந்தாண்டு ஜனவரி மாதம் அமைக்கப்பட்டது, 85 ஆண்டுகளுக்கு பின்னர் கடந்த 2017 பிப்ரவரி 2ம் தேதி கும்பாபிஷேகம்  நடைப்பெற்றது.

கொடிமரம் வைக்கப்பட்ட ஓராண்டுக்கு பின்னர் ஆகம விதிப்படி பிரமோற்சவ விழா நடத்தப்பட வேண்டும் என்பது நியதி. கடந்த ஆண்டு வரை கொடி மரம் வைக்காமல் இருந்ததால் பிரமோற்சவம் நடத்த முடியவில்லை, அதன்படி இந்த ஆண்டு இக்கோயிலில் பிரமோற்சவ விழாவை நடத்த விழா கமிட்டியினர் முடிவு செய்தனர், நேற்று கணபதி ஹோமம், விக்னேஸ்வர பூஜை, வாஸ்து சாந்தி பூஜைகள் நடைபெற்று, காஞ்சி அன்னாபிஷேக கமிட்டி மற்றும் பொதுமக்கள் சார்பில் பிரமோற்சவ விழா கொடியேற்றத்துடன் துவங்கியது. தொடர்ந்து யாகசாலை பூஜைகள் நடைப்பெற்று மாலை சுவாமி திருவீதி உலா நடைபெற்றது.

முன்னதாக உற்சவ மூர்த்திகளுக்கு திரவியபொடி, மஞ்சள்பொடி, பால், தயிர், சந்தனம், தேன், பஞ்சாமிர்தம், இளநீர் உள்ளிட்ட 16 வகையான சிறப்பு அபிஷேகங்கள் நடைபெற்றது. அப்போது சிவனடியார்கள் தேவார திருமுறைகளை பாடினர். பின்னர் மஹா தீபாராதனை நடைபெற்றது. 10 நாட்கள் நடைபெறும் இவ்விழாவில் தொடர்ந்து ஒவ்வொரு நாளும் சுவாமிக்கு சிறப்பு அபிஷேகம் மற்றும் வீதிஉலாவும் நடைபெற உள்ளது. விழாவின் முக்கிய நிகழ்வாக வரும் 26ம் தேதி திருக்கல்யாணமும், மார்ச் 1ம் தேதி மாசிமக தீர்த்தவாரியும் நடைபெற உள்ளது. ஏற்பாடுகளை கங்கை கொண்ட சோழபுரம் மேம்பாட்டு குழும நிர்வாகிகள் மற்றும் ஊர்பொதுமக்கள் செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

  • AirQualityDelhi1610

    அண்டை மாநிலங்களில் எரிக்கப்படும் வேளாண் கழிவுகளால் டெல்லியில் நாளுக்கு நாள் அதிகரிக்கும் காற்று மாசு: புகைப்படங்கள்

  • CatalanSpainProtest

    கட்டலான் தலைவர்களின் சிறைத்தண்டனைக்கு எதிர்ப்பு..: ஸ்பெயினின் பல்வேறு இடங்களில் வெடித்தது போராட்டம்!

  • LebanonWildFire1610

    கடுமையான வெப்பம் மற்றும் அனல் காற்றினால் லெபனானில் வரலாறு காணாத காட்டுத்தீ..: சர்வதேச நாடுகள் உதவ கோரிக்கை!

படங்கள் வீடியோ கல்வி சினிமா ஜோ‌திட‌ம்