SUN குழுமத்திலிருந்து வெளிவரும் காலை நாளிதழ்

கல்யாண வெங்கடேஸ்வரர் கோயில் பிரமோற்சவத்தின் 7வது நாளில் சூரிய பிரபை வாகனத்தில் சுவாமி வீதி உலா

2018-02-13@ 14:46:01

திருமலை: சீனிவாசமங்காபுரம் பிரமோற்சவத்தின் 7வது நாளில் கோலாட்டம், கரகாட்டத்துடன் சூரிய பிரபை வாகனத்தில் கல்யாண வெங்கடேஸ்வரர் எழுந்தருளி வீதி உலா வந்தார். இதில், பக்தர்கள் திரண்டு தரிசனம் செய்தனர். திருப்பதி அடுத்த சீனிவாசமங்காபுரத்தில் உள்ள கல்யாண வெங்கடேஸ்வரர் கோயிலில் கடந்த 6ம் தேதி கொடியேற்றத்துடன் பிரமோற்சவம் தொடங்கியது. பிரமோற்சவத்தின் 7வது நாளான நேற்று காலை சூரிய பிரபை வாகனத்தில் கல்யாண வெங்கடேஸ்வரர் எழுந்தருளி நான்கு மாடவீதியில் உலா வந்து பக்தர்களுக்கு அருள்பாலித்தார்.

வீதி உலாவில் கோலாட்டம், கரகாட்டம், மயிலாட்டத்துடன் பக்தர்கள் பங்கேற்றனர். பின்னர் காலை 11 மணியளவில் கோயிலில் உள்ள மண்டபத்தில் ஸ்ரீதேவி, பூதேவி சமேத கல்யாண வெங்கடேஸ்வரருக்கு பால், தயிர், இளநீர், சந்தனம் கொண்டு சிறப்பு திருமஞ்சனம் செய்யப்பட்டது. தொடர்ந்து, இரவு சந்திரபிரபை வாகனத்தில் கல்யாண வெங்கடேஸ்வரர் எழுந்தருளி நான்குமாட வீதியில் காத்திருந்த ஆயிரக்கணக்கான பக்தர்களுக்கு அருள்பாலித்தார். இன்று காலை ரத உற்சவம் நடக்கிறது. இரவு அஸ்வ(குதிரை) வாகனத்தில் சுவாமி வீதி உலா நடக்கிறது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • chinaearthquake

    சீனாவின் யுன்னான் மாகாணத்தில் நிலநடுக்கம்: 18 பேர் காயம்

  • meteorshower

    ஆண்டுக்கு ஒருமுறை நடைபெறும் விண்கல் மழை: வானில் நிகழ்ந்த அதிசயம்

  • indonesiaafterquake

    இந்தோனேஷியாவில் ஏற்பட்ட நிலநடுக்கத்தின் பாதிப்பு: மக்களின் வாழ்வாதாரம் முடக்கம்

  • sijaapanda

    சீனாவில் சிஜ்ஜா பாண்டா கரடியின் 12-வது பிறந்தநாள் கொண்டாட்டம்

  • inpendencedayrehearsal

    செங்கோட்டையில் சுதந்திர தின அணிவகுப்பு ஒத்திகை நிகழ்ச்சி

படங்கள் வீடியோ கல்வி சினிமா ஜோ‌திட‌ம்