SUN குழுமத்திலிருந்து வெளிவரும் காலை நாளிதழ்

ஸ்ரீ லட்சுமி நரசிம்மர் கோயிலில் ஹயக்ரீவர் சிறப்பு ஹோமம்

2018-02-05@ 14:21:56

பொள்ளாச்சி: பொதுத்தேர்வில் மாணவர்கள் அதிக மதிப்பெண்பெற வேண்டி  பொள்ளாச்சி பாலக்காடு ரோட்டில் உள்ள ஸ்ரீலட்சுமி நரசிம்மர் கோயிலில், ஹயக்ரீவர் சிறப்பு ஹோமம் நேற்று நடந்தது. இதில் ஏராளமானோர் கலந்து கொண்டனர். பொள்ளாச்சி பாலக்காடு ரோட்டில் உள்ள ஸ்ரீலட்சுமி நரசிம்மர் கோயிலில் ஆண்டு தோறும், பொதுதேர்வு எழுதும் மாணவர்களுக்காக சிறப்பு யாகம் நடத்தப்படுகிறது. அதுபோல், இந்த ஆண்டில் வரும் மார்ச் ஏப்ரலில் 10 மற்றும் பிளஸ்2 பொதுத்தேர்வு எழுதும் மாணவ, மாணவிகள்,  தேர்வில் கூடுதல் மதிப்பெண்பெற்று வெற்றிபெற வேண்டி, நேற்று காலையில் ‘ஸ்ரீலட்சுமி ஹயக்ரீவர்’ சிறப்பு ஹோமம் நடந்தது.

இதில், கல்வி ஞானம் சிறந்து விளங்கவும், முதன்மைபெறவும், வாழ்க்கையில் வெற்றிபெறவும் மாணவ, மாணவிகளின் பெயர், நட்சத்திரங்கள் பதிவு செய்யப்பட்டன. அதன் பின் நடந்த சிறப்பு ஹோமம் நிகழ்ச்சியின் போது, நகர் மற்றும் சுற்றுவட்டார பகுதியில் உள்ள அரசு மற்றும் தனியார் பள்ளிகளை சேர்ந்த சுமார் 2000க்கும் மேற்பட்ட மாணவ, மாணவிகள் மற்றும் மாணவர்களின் பெற்றோர் பங்கேற்றனர். காலைநேரத்தில் சிறப்பு ஹோமம் நிறைவடைந்தாலும், அதன்பின்னும் மாலை வரை பல்வேறு பகுதியிலிருந்து 10ம் வகுப்பு மற்றும் பிளஸ்2 பொதுத்தேர்வு எழுதும் மாணவர்கள், கோயிலுக்கு வந்து லட்சுமிநரசிம்மரை தரிசித்து சென்றனர். இதில் கலந்து கொண்ட மாணவர்களுக்கு, அருள் பிரசாதம் வழங்கப்பட்டது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-02-2019

    18-02-2019 இன்றைய சிறப்பு படங்கள்

  • 17-02-2019

    17-02-2019 இன்றைய சிறப்பு படங்கள்

  • 16-02-2019

    16-02-2019 இன்றைய சிறப்பு படங்கள்

  • BrightBrussels

    ஒளியின் மாயாஜாலத்தை மக்களுக்கு காண்பிக்க கொண்டாடப்படும் பிரைட் பிரஸ்ஸல்ஸ் திருவிழா: பெல்ஜியத்தில் கோலாகலம்

  • francelemon

    பிரான்சில் நடைபெற்ற 86வது லெமன் திருவிழா : பழங்களை கொண்டு பிரம்மாண்ட சிற்பங்கள் வடிவமைப்பு

படங்கள் வீடியோ கல்வி சினிமா ஜோ‌திட‌ம்