SUN குழுமத்திலிருந்து வெளிவரும் காலை நாளிதழ்

காவடி சுமந்து வந்தோம்... கந்தனை காண வந்தோம்...

2018-01-31@ 08:38:24

பன்னிருகை வேலவனே
பழனிமலை சுவாமியே வா!
காவடிகள் சுமந்து வந்தோம்
பக்தர் நெஞ்சமதில் அமர்ந்திடுவாய்!
யானை முகன் சோதரனே
பச்சைமயில் வாகனனே!
பழத்தால் அபிஷேகம் செய்தோம்-
மனபாரம் இறக்கி வைப்பாய்!
கொஞ்சி கொஞ்சித் தமிழ்பேசும்
கிள்ளைமொழி பாலகனே
கோலமயில் குறத்தி மகள்
கொஞ்சும் அழகன் முருகனய்யா!
பக்தர் குறை தீர்ப்பதற்கு
மலை இறங்கி வருபவனே!
ஞானத்தாய் பெற்றெடுத்த
ஞானகுரு நீயல்லவா..!
காவடிகள் சுமந்து கொண்டு
காவடிசிந்து பாடிக்கொண்டு
மலையேறி தரிசனம் கண்டோம்
மனதார வணங்கி நின்றோம்!
சந்தனம் மணக்க வரும்
அரோகரா கோஷமதை
ஆறுமுகம் ஏற்றிடுவான்-எங்கள்
ஐம்புலன் ஆட்சி செய்வான்!
தாய், தந்தை உனக்குண்டு
அண்ணன், தம்பி உறவும் உண்டு
ஆறுபடை வீடுடைய முருகனுக்கு
அன்புசொல்ல துணை இருவருண்டு!
பால்காவடி ஏற்று நீயும்
பாவங்கள் விலக்கிடுவாய்!
பன்னீர்க்காவடி ஏற்று நீயும்
பெருமைகள் சேர்த்திடுவாய்!
வேல்காவடி சுமந்து வந்தோம்
வெற்றிகள் குவித்திடுவாய்!
குருநாதன் உதித்த தினம்
தைப்பூசத் திருநாளாம்
எங்கள் குரு குமாரசாமி
குறையில்லா வாழ்வருள்வாய்!
கண்மலர் திறந்ததுமே
கந்தா உந்தன் நினைவய்யா!
கலையின் திருவுருவாய்
மலை மேல் வசிப்பவனே!
ஆதாரம் கேட்பவருக்கு-நீ
வெட்டவெளி ஆகாயம்!
உனை நாடாத பேருக்கு
இல்லை உலகில் ஆதாயம்!
காற்றில் பயணிக்கும்
பூவின் நறுமணமே!
மனதில் நிறைந்துவிட்ட
குறிஞ்சி தமிழ் அமுதே!
வேலை வணங்குவது
நாள்தோறும் என் வேலை!
மனதில் வரும் அமைதி
பனி விழும் அதிகாலை!

- விஷ்ணுதாசன்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-02-2019

    18-02-2019 இன்றைய சிறப்பு படங்கள்

  • 17-02-2019

    17-02-2019 இன்றைய சிறப்பு படங்கள்

  • 16-02-2019

    16-02-2019 இன்றைய சிறப்பு படங்கள்

  • BrightBrussels

    ஒளியின் மாயாஜாலத்தை மக்களுக்கு காண்பிக்க கொண்டாடப்படும் பிரைட் பிரஸ்ஸல்ஸ் திருவிழா: பெல்ஜியத்தில் கோலாகலம்

  • francelemon

    பிரான்சில் நடைபெற்ற 86வது லெமன் திருவிழா : பழங்களை கொண்டு பிரம்மாண்ட சிற்பங்கள் வடிவமைப்பு

படங்கள் வீடியோ கல்வி சினிமா ஜோ‌திட‌ம்