SUN குழுமத்திலிருந்து வெளிவரும் காலை நாளிதழ்

ஐயப்பன் அறிவோம்! சபரிமலை பயணம் - 60

2018-01-23@ 12:09:11

ஆண்டுக்கொரு முறை ஆன்மிக உலா... சபரிமலை ஐயப்பன் கோயில் பிரசித்தமானது. கேரளத்தை தோற்றுவித்த பரசுராமரே ஐயப்பன் கோயிலையும் ஸ்தாபித்தார். அச்சன்கோயில், ஆரியங்காவு, குளத்துப்புழை, எருமேலி தர்மசாஸ்தா கோயில், பந்தளம் வலியக்கோவில் போன்றவற்றையும் பரசுராமரே ஸ்தாபித்தார். இவற்றை ‘பஞ்ச சாஸ்தா’ கோயில்கள் என்கின்றனர். இக்கோயில்களில் ஐயப்பன் குழந்தையாக, பாலகனாக, குடும்பஸ்தராக பல்வேறு உருவங்களில் காட்சியளிப்பதும் சிறப்புச் சேர்க்கிறது.ஐயப்ப பக்தர்கள் இந்த அத்தனை கோயில்களிலும் வலம் வந்து ஆன்மிக கொண்டாட்டத்தில் குளித்தெழுந்தது மகத்தான அனுபவ மகிழ்வை அள்ளித் தந்திருக்கிறது.

ஆண்டுக்கொருமுறை நடக்கிற இப்பயணம், ஒட்டுமொத்த ஆண்டிலும் கட்டுப்பாடுகள் கடைபிடிக்கும் மன உறுதியை கற்பிக்கின்றன. மகரஜோதி, மகரவிளக்கு நிகழ்வுகளுக்குப்பிறகும் தொடர்ந்து பல்வேறு ஆன்மிக நிகழ்வுகள் நடக்கின்றன. சன்னிதானத்தில் ஆலங்காடு குழுவினரால் நடத்தப்படும் சிறப்பு சீவேலியில் அலங்கரித்த யானை மீது உற்சவ மூர்த்தியான மாளிகப்புறத்தம்மன் கிளம்பியதும், அவரது கோயிலில் இருந்து பாரம்பரிய இசை முழங்கப் புறப்பட்டு புனித பதினெட்டாம் படியை அம்மன் வந்தடைந்து, அங்கே பூஜை நடந்ததும் அளப்பறியது.

இரண்டாம் நாளில் படிபூஜை, மூன்றாம் நாளில் மாளிகப்புறத்தில் பல நிறப் பொடிகளால் உருவாக்கப்பட்ட ‘கலமேலெழுத்து’ எனும் ஐயப்பன் கோல பூஜை நடந்தன. நான்காம் நாளில் சந்தன அபிஷேக சிறப்பு ஆராதனையும் நடந்தது. ஐந்தாம் நாளில் மாளிகபுறத்தம்மன் பக்தர்கள் புடைசூழ மேளதாளத்துடன் யானைமீது அமர்ந்து சரங்குத்திக்கு வந்தார். அங்கே கன்னி ஐயப்பமார்களால் சொருகப்பட்ட அம்புகளைக் கண்டு ஏமாற்றத்துடன், தன் இருப்பிடம் திரும்பி கன்னியாகவே காத்திருக்கிறாள். ஐயப்பனும் நைஷ்டிக பிரம்மச்சாரியாக யோக நிலையில் அமர்ந்து அருள்பாலிக்கிறார்.ஆறாம் நாள் சிறப்பு பூஜையுடன் நடை சாத்தப்பட்டு விழா நிறைவடைந்திருக்கிறது. இந்த இறுதிநாட்கள் பக்தர்களுக்குள் நிறைத்துப்போன ‘நிறைவான’ வாழ்வியல் வழிகாட்டல்கள் ஏராளம். இது மிச்ச நாட்களிலும் தொடரும்.

(நாளையும் மலையேறுவோம்...)

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்