SUN குழுமத்திலிருந்து வெளிவரும் காலை நாளிதழ்

ஐயப்பன் அறிவோம்! சபரிமலை பயணம் - 57

2018-01-18@ 14:27:12

மந்திரங்கள் தருமே மேன்மை...

ஐயப்பனை தரிசிப்பதற்கென மாலையிட்டு, விரதமிருக்கிற பக்தர்களின் பஜனைகள், தியானங்கள், தொடர் மந்திர வழிபாடுகள், இக்காலத்தை மேம்படுத்துகின்றன. சபரிமலை ஐயப்பன் கோயிலானது ‘சுயம்புலிங்க பூமி’, ‘யாக பூமி’, ‘பலி பூமி’, ‘யோக பூமி’, ‘தபோ பூமி’, ‘தேவ பூமி’, ‘சங்கமம் பூமி’ என்ற 7 சிறப்புகளைக் கொண்டிருக்கிறது. இங்கு வரும் பக்தர்கள் ‘ஓம் சுவாமியே சரணம் ஐயப்பா’ என்று ஒரு சேர கோஷமிடுகின்றனர். இந்த சரண கோஷம், ‘நம் பாவங்களை அழித்து ஞானத்தைப் பெற ஐயப்பனை சரண் அடைகிறோம்’ எனும் பொருள் தருகிறது. இதேவழியில்  ‘ஓம்’ எனும் பிரணவ மந்திரமும் மகத்தானது. ‘ஓம்’ ஐந்து வித ஒலிகள் உள்ளடக்கியது. அ, உ, ம என்ற 3 எழுத்துகளுடன், ‘ம்’ ஒலியும், அதன் ‘நாதமும்’ இணைந்து ஐந்தாகிறது. ‘அ’ பிரம்மனையும், ‘உ’ விஷ்ணுவையும், ‘ம’ பரம்பொருளையும் குறிக்கும்.

படைத்தல், காத்தல், அழித்தல், மறைத்தல், அருளல் 5 தொழில்களையும் இத்தெய்வங்கள் செய்கிறார்கள். உலக இயக்கம் குறிப்பது ‘ஓம்’. கலைஞானம் எனும் கல்வியறிவு, மெய்ஞ்ஞானம் எனும் தவ அறிவு அத்தனைக்கும் ‘ஓம்’ வாசல் என்கிறது  திருவிளையாடற்புராணம். எனவேதான் எல்லா மந்திரங்களையும் ‘ஓம்’மில் துவக்குகிறோம். இவ்வகையில், ‘ஓம் தத்ஸவிதுர்வரேண்யம் பர்கோதேவஸ்ய தீமஹி தியோயோந; ப்ரசோதயாத்’ என்பது காயத்ரி மந்திரமாகும். இது, ‘‘யார் நம்முடைய அறிவைத் தூண்டுகிறாரோ அந்த சுடர் கடவுளின் மேலான ஒளியைத் தியானிப்போமாக,’’ என்கிறது. நாம் பிரார்த்தனை செய்தால் நம்மை பகவான் பார்வை படும் தூரத்தில் கொண்டு விடும். உபவாசம் தவறாது இருந்தால் பகவானுடைய வாயிலருகில் கொண்டு போய்ச் சேர்க்கும். தான தருமங்கள் செய்தோமானால் நம்மை பகவானின் இதயத்தில் இடம்பெறச் செய்து விடும். சபரிமலை விரத காலத்தில் மேற்கொள்ளும் தொடர் தியானங்கள், கடவுளின் முழு நேசராக நம்மை மாற்றும் மந்திரத்தைச் செய்கிறது.   
 
(நாளையும் மலையேறுவோம்...)

மேலும் செய்திகள்

Like Us on Facebook Dinkaran Daily News
  • RoyalAscot2k19

    இங்கிலாந்தில் நடைபெற்ற ராயல் அஸ்காட் குதிரைப் பந்தயம்: விதவிதமான தொப்பிகளை அணிந்து வந்து அசத்திய பார்வையாளர்கள்

  • BiharProtestBrainFever

    பீகாரில் மூளைக்காய்ச்சல் காரணமாக தொடரும் குழந்தைகளின் உயிர்பலி: அரசுக்கு எதிராக போராட்டத்தில் குதித்த மக்கள்- புகைப்படங்கள்

  • YamagataEarthQuake18

    வடமேற்கு ஜப்பானை உலுக்கிய சக்திவாய்ந்த நிலநடுக்கம்..: ரிக்டர் அளவுக்கோலில் 6.8 ஆக பதிவானதால் மக்கள் பீதி!

  • RaptorsShootingToronto

    கனடாவில் லட்சக்கணக்கானோர் கூடியிருந்த கொண்டாட்ட நிகழ்ச்சியில் திடீரென நடைபெற்ற துப்பாக்கிச்சூடு..: 4 பேர் காயம்!

  • 19-06-2019

    19-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்