கோபி: கோபி அருகே உள்ள பாரியூர் கொண்டத்து காளியம்மன் கோயில் தேரோட்டம் நேற்று நடந்தது. ஆயிரக்கணக்கான பக்தர்கள் கலந்து கொண்டு தேரை வடம் பிடித்து இழுத்தனர். கோபி அருகே உள்ள பாரியூர் கொண்டத்து காளியம்மன் கோயில் குண்டம் திருவிழா நேற்று முன்தினம் நடைபெற்றது. அதைத்தொடர்ந்து நேற்று தேரோட்டம் நடந்தது. தேரோட்டத்தை கோபி டி.எஸ்.பி.செல்வம், முன்னாள் நகராட்சித்தலைவர் நல்லசிவம், கந்தவேல் முருகன், கோயில் நிர்வாகிகள் தங்கம்பழனிச்சாமி, முத்துவேலப்பன் ஆகியோர் கலந்து கொண்டு வடம் பிடித்து இழுத்து தொடங்கி வைத்தனர்.

அதைத் தொடர்ந்து ஆயிரக்கணக்கணக்கான பக்தர்கள் தேரை வடம் பிடித்து இழுத்தனர். இன்று மலர் பல்லக்கு நிகழ்ச்சியும், நாளை (14ம் தேதி) கோபியில் தெப்போற்சவமும், 15 மற்றும் 16ம் தேதி கோபியிலும், 17 மற்றும் 18ம் தேதி புதுப்பாளையத்திலும், 19 மற்றும் 20ம்தேதி நஞ்சகவுண்டன்பாளையத்திலும் மஞ்சள் நீர் உற்சவமும், இரவு அம்மன் கோயில் வந்தடைதல் மற்றும் மறுபூஜையும் நடைபெறுகிறது. திருவிழாவிற்கான ஏற்பாடுகளை செயல்அலுவலர் நாகராஜ், உதவி ஆணையர் மற்றும் தக்கார் முருகையா மற்றும் குழுவினர் செய்திருந்தனர்.