SUN குழுமத்திலிருந்து வெளிவரும் காலை நாளிதழ்

ஐயப்பன் அறிவோம்! சபரிமலை பயணம் - 46

2018-01-02@ 15:36:09

சோட்டானிக்கரை அம்மனை தேடி...!

சபரிமலை செல்லும் பக்தர்களின் பயணம் ‘சோட்டானிக்கரை பகவதி அம்மன்’ ஆலயத்திற்கும் இருக்கிறது. கேரளத்துக் கோயில்களில் புகழ்மிக்க இந்த கோயில் எர்ணாகுளம் அருகில் இருக்கிறது. திருபூனித்துராவில் உள்ள பூர்ணத்ராயேசா கோயில் வழியாக, இக்கோயிலைச் சேர முடியும். இங்கிருக்கும் ராஜராஜேஸ்வரி அம்மனை ‘பகவதி அம்மன்’ என்கின்றனர். கோயில் மூலஸ்தானத்தில் சிற்பக்கலைஞர்களால் செதுக்காத முழு வடிவமின்றி, பகவதி அம்மன் வீற்றிருக்கிறார். உற்சவர் தங்க விக்ரகமாக இருக்கிறார். சங்கு, சக்கரம் தாங்கிய நான்கு கைகளுடன் அன்னை உருவமிருக்கிறது. காலையில் வெண் பட்டாடை அணிந்து சரஸ்வதியாக, கருஞ்சிவப்பு வண்ண ஆடை அணிந்து பத்ரகாளி அவதாரமாக, மாலை நேரம் நீல நிற ஆடையுடுத்தி துர்காதேவியாக என இந்த அம்மனை 3 விதத்தில் தரிசித்து வழிபடுகின்றனர். இங்குள்ள சாஸ்தா சன்னதியில் பூர்ணா, புஷ்கலா தெளிவாக வரையப்பட்டுள்ளனர்.

சன்னதி முன் கொடி மரம், பலி பீடம் இருக்கிறது. கோயிலுக்குள் சிவன் சன்னதியும் இருக்கிறது. இங்குள்ள பத்ரகாளியம்மன் சன்னதிக்கு அருகில் உள்ள நூற்றுக்கணக்கான ‘பால’ எனும் மரங்களில் ஆணியடித்து பேயோட்டும் ஐதீகமும் இருக்கிறது. இதற்கான மந்திரவாதிகளும் இங்கிருக்கிறார்கள். கோயில் பகுதியில் கிபி 19ம் நூற்றாண்டு கொச்சி சமஸ்தான வரலாறு காட்டும் கோயில் கல்வெட்டுகளும் காண முடிகிறது. ‘வில்வமங்களம் சுவாமிகள்’ என்ற மகானுக்கும் தனிச்சன்னதி, அம்மன் சன்னதிக்கு முன்புறத்தில் இருக்கிறது. விரதமிருந்து மலையேறி ஐயப்ப தரிசனம் முடிப்போர், ஆன்மிக உணர்வில் கண்டு களித்து வழிபட்டு வர, இப்படி பகவதி அம்மன் உள்ளிட்ட பல்வேறு கோயில்கள் கேரளத்து மண்ணில் நிறைந்திருக்கிறது.

(நாளையும் மலையேறுவோம்....)

மேலும் செய்திகள்

Like Us on Facebook Dinkaran Daily News
  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

  • 25-06-2019

    25-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்