SUN குழுமத்திலிருந்து வெளிவரும் காலை நாளிதழ்

ஐயப்பன் அறிவோம்! சபரிமலை பயணம் - 45

2018-01-02@ 15:34:31

நம்மூரு ‘வெல்ல’த்தில் பிரசாதம்...

கோயிலின் பிரதானம் பிரசாதம். சபரிமலை ஐயப்பன் கோயில் பிரசாதமாக இனிப்பான அரவணை பாயாசமும், அப்பமும் இருக்கிறது. மாலையிட்டு, விரதமிருந்து மலையேறி திரும்பகிற ஒவ்வொரு ஐயப்ப பக்தரும் தன்னைச் சுற்றிய உறவுகளுக்கு இந்த பிரசாதப் பகிர்வு செய்தபிறகே, ஆன்மிக மலையேற்றப் பயணம் முழுமை பெறும் ஐதீகமிருக்கிறது. கேரள மாநிலத்து மாவேலிக்கராவில் இருக்கும் செட்டிங்குளக்கரை தேவி கோயில் உள்ளிட்ட இடங்களில் இருந்து அரிசி, நெய் போன்றவை பெறப்படுகிறது. எனினும், இதற்கு இனிப்பூட்டும் வெல்லம் தமிழகத்தின் மதுரை அலங்காநல்லூர், அய்யூர், எர்ரம்பட்டி, கோட்டைமேடு, கொண்டையம்பட்டி, மேலச்சின்னம்பட்டி, வலசை, செம்புகுடிபட்டி கிராமங்களுடன், தேனி மாவட்டத்தின் லட்சுமிபுரம் உள்ளிட்ட இடங்களில் இருந்தே செல்கிறது.
 
இதற்கெனவே, ‘மலையாள வெல்லம்’ எனும் இவ்வெல்லம் உருட்டி எடுத்து தயாராகிறது. ஆண்டின் நவம்பர் துவங்கி பிப்ரவரி வரை தயாராகும் இவ்வெல்லமே சபரிமலை பிரசாத தயாரிப்பிற்கும் போகிறது. தென்மாவட்டத்து மண்ணில் முளைத்த கரும்பின் சாற்றைக் காய்ச்சியெடுத்து தயாராகும் இந்த வெல்லத்திற்கு கூடுதல் ‘தேன் சுவை’ இருக்கிறதென்கின்றனர். பழநி பஞ்சாமிர்தத்தில் சிறுமலை பழத்திற்கான முக்கியத்துவத்தை, சபரிமலை பிரசாதத்தில் தமிழகத்து இவ்வெல்லம் பிடித்திருக்கிறது. இவ்வித உருண்டையான வெண்ணிற வெல்லம், ‘மலையாள வெல்லம்’ பெயரிலேயே மதுரை கீழமாசிவீதிக் கடைகளிலும் விற்கப்படுகிறது. சபரிமலை சீசனில் இந்த வெல்லத்திற்கான வரவேற்பும் எகிறி இருக்கிறது.

(நாளையும் மலையேறுவோம்...) 

மேலும் செய்திகள்

Like Us on Facebook Dinkaran Daily News
  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

  • 18-07-2019

    18-07-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்