SUN குழுமத்திலிருந்து வெளிவரும் காலை நாளிதழ்

ஐயப்பன் அறிவோம்! சபரிமலை பயணம் - 41

2017-12-28@ 11:04:47

‘மஞ்ச மாதா’வின் கதை...

சபரிமலைக்கு முதன்முதலாக மாலையணிந்து, விரதமிருந்து, இருமுடியுடன் பயணிக்கிற பக்தர் ‘கன்னிசாமி’யாவார். ‘சரம்’ என்ற குச்சியை தன்னுடன் எடுத்துச் செல்லும் இவர், ‘சரங்குத்தி’ என்ற இடத்திலே அதனை குத்திச் செல்கிற நடை முறையுண்டு. இந்நிகழ்விற்கு பின்னே ஐயப்பன் மீதான் அன்புமிக்க ‘மஞ்ச மாதா’வின் வரலாறும் வாழ்கிறது.

மகிஷாசுரனின் சகோதரி மகிஷி. துர்காதேவி மகிஷாசுரனை அழித்ததில் மகிஷிக்கு பெருத்த கோபம். எனவே தேவர்களை மகிஷி துன்புறுத்துகிறாள். புலிப்பாலுக்காக காட்டுக்கு வந்த ஐயப்பன், மகிஷியை வதம் செய்கிறார். அரக்கி உருவம் மாறி, அவ்வுடலில் இருந்து ‘லீலா’ எழுகிறாள். தத்தாத்ரேயரின் மனைவியான லீலா, சாபத்தால் மகிஷியாகப் பிறந்தவள். தன்னை மன்னித்து அருள்புரிந்த  ஐயப்பனையே மணக்க விரும்பும் ‘லீலா’வை, பிரம்மச்சாரிய ஐயப்பனோ, ஏற்க மறுக்கிறார். ‘‘நீ ‘மஞ்ச மாதா’ திருப்பெயரில் சபரிமலையில் எனக்கருகில் கோயில் கொள்வாய்’’ என்றொரு வரம் தருகிறார். தொடர்ந்து, ‘‘என்னை தரிசித்திட கன்னிசாமி பக்தர் ஒருவர் கூட எந்த ஆண்டிலாவது வரவில்லையோ, அப்போது உன்னை மணக்கிறேன்’’ என்கிறார் ஐயப்பன்.

சபரிமலையில் ஐயப்பன் சன்னிதானம் அருகே ‘மாளிகைபுறத்தம்ம’னாக மஞ்சமாதா சன்னதி கொண்டிருக்கிறார். முழுத் தேங்காயை தரையில் உருட்டியபடி இந்த சன்னதியை கன்னிசாமிகள் வலம் வந்து பிரார்த்திப்பதும் நடக்கிறது. இத்துடன், மஞ்சள், சிவப்பு நிற பிளவுஸ் பிட், இருமுடியில் எடுத்துச் செல்லும் மஞ்சள், குங்குமம் போன்றவற்றை மஞ்சமாதா சன்னதியில் வைத்தும் பக்தர்கள், திருமணத் தடை, சுபகாரியத் தடை நீங்கிட பிரார்த்திக்கின்றனர்.

ஒவ்வோர் ஆண்டும் ‘சரங்குத்தி’ பகுதிக்கு, ‘இம்முறை ஒரு கன்னிசாமியாவது வராமல் இருக்கிறாரா?’ என்று ஆவலோடு மஞ்சமாதா வந்து பார்க்கும் ஐதீகமாக இருக்கிறது. அங்குள்ள கன்னிசாமிகள் செருகிச் சென்ற சரங்களைக் கண்டு ஏமாற்றத்தோடு திரும்பும் புராணக்கதையும் இருக்கிறது. இங்குள்ள மஞ்சமாதா கோயில் வெளிக்கதவுகள் எப்போதுமே திறக்கப்படுவதில்லை என்பதும் கூடுதல் தகவல்.

(நாளையும் மலையேறுவோம்...)

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 20-02-2019

    20-02-2019 இன்றைய சிறப்பு படங்கள்

  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

  • china_lamfesti1

    சீனாவில் விளக்குத் திருவிழா : டிராகன், பீனிக்ஸ், பன்றிகளை போல் உருவாக்கப்பட்ட விளக்குகள் காண்போரை கவர்ந்தது

  • 2mili_nall

    காஷ்மீரில் வீரமரணம் அடைந்த மேஜர் விஎஸ் தவுன்டியால், காவலர் அப்துல் ரஷித் உடல்கள் ராணுவ மரியாதையுடன் நல்லடக்கம்

படங்கள் வீடியோ கல்வி சினிமா ஜோ‌திட‌ம்