SUN குழுமத்திலிருந்து வெளிவரும் காலை நாளிதழ்

ஆற்றங்கரை பள்ளிவாசல் கந்தூரி விழா : 16ம் தேதி கொடியேற்றம்

2017-12-13@ 11:01:34

ராதாபுரம்: புகழ்பெற்ற இஸ்லாமிய திருத்தலங்களுள் ஒன்று ஆற்றங்கரை ஹசரத் சேகு முகம்மது(ஒலி) , ஹசரத் சையதலி பாத்திமா(ரலி) தர்கா ஆகும். ராதாபுரம் அருகே நம்பியாறு இந்துமகா சமுத்திரத்தோடு கலக்கும் கழிமுக பகுதியான ஆற்றங்கரை பள்ளிவாசல் என்ற இடத்தில் இந்த தர்ஹா அமைந்துள்ளது. வாரந்தோறும் வியாழன் மற்றும் ஞாயிற்றுக்கிழமைகளில் குமரி மற்றும் கேரள பகுதிகளில் இருந்தும், தமிழகத்தின் பல்வேறு இடங்களிலிருந்தும் ஏராளமான பக்தர்கள் வந்து செல்கின்றனர். இந்த தர்ஹாவில் ஒவ்வொரு ஆண்டும் கந்தூரி விழா சிறப்பாக நடைபெறும். இந்தாண்டுக்கான கந்தூரி விழா வருகிற 16ம் தேதி தொடங்குகிறது. அன்று அதிகாலை 5.30 மணிக்கு கத்முல் குர்ஆன் ஓதுதல், 7 மணிக்கு குர்ஆன் தமாம், 8 மணிக்கு அரண்மனை புலிமான் குளத்தில் இருந்து யானை மீது கொடி ஊர்வலம், சந்தனக்குடம் தர்காவுக்கு கொண்டு வருதல் நிகழ்ச்சி நடக்கிறது.

காலை 9 மணிக்கு கொடியேற்றுதல் நிகழ்ச்சி நடக்கிறது. 10 மணிக்கு சந்தனம் மெழுகுதல் நிகழ்ச்சி நடக்கிறது. மாலை 3.30 மணி முதல் 5.30 மணி வரை மவ்லூது ஷரீப் ஓதுதல், மாலை 5.30 மணி முதல் 7 மணி வரை ராத்திப்புத்துல் காதிரிய்யா திக்ரு மஜ்லீஸ் நடக்கிறது. இரவு 7 மணிக்கு ஹதீஸ் ஆரம்பித்தல் நிகழ்ச்சி நடக்கிறது. இரவு 12 மணிக்கு இஸ்லாமிய இன்னிசை கச்சேரி நடக்கிறது. மறுநாள் (ஞாயிற்றுக்கிழமை) அதிகாலை 5.30 மணிக்கு நன்றி நவிலல் நிகழ்ச்சியும், 5.45 மணிக்கு சிறப்பு துவா ஓதுதல் நிகழ்ச்சியும் நடக்கிறது. காலை 6 மணிககு நயாஸ் அஹ்மத் பிஜிலி, ஹபிபுர் ரஹ்மான் பிஜிலி ஆகியோர் தலைமையில் நேர்ச்சை விநியோகம் செய்தல் நடக்கிறது. விழாவையொட்டி பல்வேறு இடங்களில் இருந்து பொதுமக்களின் வசதிக்காக சிறப்பு பேருந்து வசதிகள், தங்குமிடம், பாதுகாப்பு வசதிகள்  செய்யப்பட்டுள்ளன. கந்தூரி விழா ஏற்பாடுகளை ஆற்றங்கரை பள்ளிவாசல் பரம்பரை டிரஸ்டிகள் நயாஸ் அஹ்மத் பிஜிலி, ஹபிபுர் ரஹ்மான் பிஜிலி ஆகியோர் செய்துள்ளனர்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • france_park_machine

    பிரான்ஸ் நாட்டில் ஹாலிவுட் படக்காட்சிகளை போல் வடிவமைக்கப்பட்ட எந்திர பூங்கா!

  • madurai_meenut11

    மதுரை மீனாட்சி அம்மன் சித்திரை திருவிழா: மீனாட்சி அம்மன், சுந்தரேஸ்வரர் பிரியாவிடையுடன் விதி உலா

  • berlin_bomb_war

    இரண்டாம் உலகப்போரில் பயன்படுத்தப்பட்ட சக்திவாய்ந்த வெடிகுண்டு, பெர்லின் நகரில் கண்டுபிடிப்பு!

  • 10schooldata

    10ம் வகுப்பு பொதுதேர்வு நிறைவு எதிரொலி : மாணவர்கள் கலர் தூவி பிரியா நட்பை வெளிப்படுத்தி மகிழ்ந்தனர்

  • governor_palace11

    பெண்களை இழிவுப்படுத்தும் ஹெச்.ராஜா, எஸ்.வி. சேகரை கண்டித்து ஆளுநர் மாளிகை முற்றுகையிட்டு போராட்டம்

படங்கள் வீடியோ கல்வி சினிமா ஜோ‌திட‌ம்