SUN குழுமத்திலிருந்து வெளிவரும் காலை நாளிதழ்

அன்னதானத்தில் மகிழும் அன்னபூரணி

2017-12-12@ 11:56:32

வானும், நிலவும்
வனச்சோலை மலரும்
வனப்பும், மணமும்
உன் எழில் பிம்பமடி!
பூமியை கர்ப்பமாய் தாங்கி
வளியால் மூடி-உயிர்கள்
படைத்தருளும் பராசக்தி-சகல
ஜீவராசிக்கும் உணவுதரும் அன்னபூரணி!
தங்ககரண்டியில் பால்சோறு பரிமாறி
தரணி செழிக்க படியளக்கும் பைரவி!
காசிநகர் வறுமை நீக்கிய காத்யாயினி!
கருணை,பொறுமையாளும் புவனேஸ்வரி!
நீரின்றி உலகேது-தாயே
உன் அருளின்றி உயிரேது!
சிவம் உடம்பு சக்தி இயக்கம்
உலகமே சிவசக்தி மயம்!
உலகுக்கு உணவளிக்கும் விவசாயி
அன்னபூரணி அவதாரம்!
நிலமெனும் சிவமதை சக்தியால் உழுது
விளைபயிர் உருவாக்கும் தெய்வம்!
எத்தனை மனிதர், எத்தனை வணிகர்
எத்தனை நெஞ்சம், எத்தனை வஞ்சம்!
மனதின் நீரோட்டம் -அதன் கரையில்
எத்தனை வகை தேரோட்டம்!
சக்தியை கருத்தில் ஏற்றி
சகல உயிருக்கும் உணவளிப்போம்!
பகிர்ந்துண்டு பாசத்துடன் வாழ்வோம்!
அன்னதானத்தில் மகிழ்வாள் அன்னபூரணி!
நெல்மணி உருவாகும் ஆற்றலறிந்து
உணவை வீணாக்காது உண்போம்!
வயிறுக்கு விருந்தாகும் உணவு!
உயிருக்கு மருந்தாகும் உணவு!
முத்து, பவளம், வைரம், வைடூரியம்
அணிகள் பூண்டு பசும்பொன் தேரேறி
பவனி வரும் பவானி-உயிர்கள்
பசிப்பிணி நீக்கி வாழ்த்தும் சிவகாமி!
கல்வியில் சிறந்தோர் கயமை புரிவரோ!
செல்வத்தில் சிறந்தோர் செவிடாய் இருப்பரோ!
பசித்தவருக்கு உணவு மறுக்காமல் வழங்கி
பராசக்தி மனம் குளிரவைப்போம்!
மேகமாய், மழையாய், உரமாய், பயிராய்
இரவியாய், மதியாய், நெல்மணி முத்தாய்
விதையாய், மரமாய், கனியாய் சுவைக்கும்
சூட்சும ஆற்றலில் சக்தி தத்துவமறிவோம்!

- விஷ்ணுதாசன்

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-01-2018

    18-01-2018 இன்றைய சிறப்பு படங்கள்

  • indhiya_japann11

    இந்தியா - ஜப்பான் கடலோர காவல் படை இணைந்து நடத்திய கூட்டுப்பயிற்சி !!

  • raanuvapayirchii11

    70வது ராணுவ தினம் : பல்வேறு சாகச பயிற்சிகளில் ஈடுபட்ட ராணுவ வீரர்கள்

  • prime_ashram11

    சபர்மதி ஆசிரமத்தில் இருந்த ராட்டையை சுழற்றிய இஸ்ரேல் பிரதமர் : பட்டம் பறக்கவிட கற்றுக் கொடுத்த மோடி

  • indhiya_isreal11

    தீவிரவாத தாக்குதலில் பெற்றோரை இழந்த இஸ்ரேல் சிறுவன் மோஷே 10 ஆண்டுகளுக்கு பிறகு இந்தியா வருகை

படங்கள் வீடியோ கல்வி சினிமா ஜோ‌திட‌ம்