திருமலை: கபிலேஸ்வரர் சுவாமி கோயிலில் நவக்கிரக சாந்தி யாகம் நடந்தது. தொடர்ந்து, இன்று முதல்  9 நாட்களுக்கு சண்டி யாகம் நடக்கிறது. திருப்பதியில் உள்ள கபிலேஸ்வரர் சுவாமி கோயிலில் கார்த்திகை மாதத்தையொட்டி 3 நாட்கள் கணபதி யாகம், 2 நாட்கள் சுப்பிரமணிய சுவாமி யாகம், தட்சிணாமூர்த்தி யாகம் நடைபெற்று வந்தது. இந்நிலையில், நேற்று நவக்கிரக சாந்தி யாகம் நடந்தது. இதையொட்டி காலை 9 மணியளவில் யாக பூர்ணாஹுதி, கலச ஸ்தாபனம் நடந்தது. இதில், திரளான பக்தர்கள் கலந்துகொண்டு சுவாமி தரிசனம் செய்தனர். தொடர்ந்து இன்று முதல் 9 நாட்களுக்கு காமாட்சி அம்மன் யாகம் (சண்டி யாகம்) நடைபெற உள்ளது.