SUN குழுமத்திலிருந்து வெளிவரும் காலை நாளிதழ்

இனிய குரலுக்கு மயங்கிய இறைத்தூதர்

2017-10-13@ 15:23:26

“அதான்” எனும் தொழுகை அழைப்பை (பாங்கு)  அதேபோல் திருப்பிச் சொல்லிக் கேலி செய்தார் ஒருவர். அந்தக் கேலியே அவருக்குப் பதவியைப் பெற்றுத் தந்தது என்றால் வியக்காமல் இருக்க முடியுமா? தொழுகை அழைப்பை அதேபோல் திருப்பிச் சொல்லி பரிகாசம் செய்தவருக்கு  வெள்ளிக் காசுகளைப் பரிசாய் அளித்து, மக்காவில் பாங்கு சொல்லும் பதவியையும் அளித்தார் ஓர் ஆட்சியாளர். யார் அந்த ஆட்சியாளர்? ஆம்... நபிகள் நாயகம்(ஸல்) அவர்கள்தாம். பாங்கைப் பரிகாசம் செய்தவர் யார்? அபூமஹ்தூரா என்னும் நபித்தோழர். அவர் அப்போது முஸ்லிம் ஆகவில்லை. அந்த நிகழ்வு குறித்து அவரே கூறுகிறார் கேட்போம்: “நான் (அபூமஹ்தூரா) சிறு கூட்டத்துடன் பயணமாக புறப்பட்டுச் சென்றேன். அப்போது இறைவனின் தூதர் ஹுனைனிலிருந்து திரும்பி வந்துகொண்டிருந்தார். தொழுகை நேரம் வந்துவிட்டதால் தொழுகை அழைப்பாளர் பாங்கு சொன்னார்.

நாங்கள் அந்த நேரத்தில் முஸ்லிம் ஆகவில்லை. ஆகவே, பாங்கு சொன்னவரின் சப்தத்தைப் போலவே நாங்களும் கூறி அதைப் பரிகாசித்தோம். எங்கள் கிண்டலை இறைத்தூதர் செவியுற்று விட்டார். “அந்தக் கூட்டத்தில் அழகிய குரல் உடையவரின் பாங்கு சத்தம் கேட்டேன். அவரை அழைத்து வாருங்கள்” என்றார். அது நான்தான் என்பதை அறிந்துகொண்ட இறைத்தூதர், பாங்கு சொல்லும்படிக் கூறினார். சொல்லும் முறையையும் கற்பித்தார். பாங்கை நான் முழுமையாகக் கூறி முடித்த போது எனக்காகப் பிரார்த்தனை புரிந்து, சில வெள்ளிக்காசுகள் கொண்ட ஒரு பையைத் தந்தார்கள். பிறகு மக்காவிலுள்ள இறை ஆலயத்திற்குச் சென்று பாங்கு கூறு என்றார்கள். மக்காவில் இறைத்தூதரின் அதிகாரியாக நியமிக்கப்பட்டிருந்த அத்தாப் பின் அஸீத் (ரலி) அவர்களிடம் சென்றேன். அவருடன் இணைந்து இறைத்தூதர் அவர்களின் ஆணைக்கிணங்க தொழுகைக்கு பாங்கு கூறினேன்.”

(ஆதாரம் நஸாயீ, பாடம் பாங்கு, நபிமொழி எண்கள் 628, 629) இந்த நபிமொழிகளில் அபூமஹ்தூரா அவர்கள் எந்தக் கட்டத்தில் முஸ்லிமானார் எனும் தகவல் இல்லை. ஆயினும் இறைத்தூதர் அவர்கள், அபூமஹ்தூராவின் கேலி கிண்டல்களைப் பெரிதாய்க் கருதாமல் அவரிடம் இருந்த குரல்வளத்தைச் சரியாக இனம் கண்டு அவருக்கு பாங்கு சொல்லும் பொறுப்பை அளித்தார். நபிகளார் நினைத்திருந்தால் “ஆ...பாங்கையே கேலி செய்துவிட்டாயா? என்ன திமிர் உனக்கு” என்று சினந்து கூறி அபூமஹ்தூராவைத் தண்டித்திருக்கலாம். ஆனால், இறைத்தூதரோ அந்தத் தோழரிடம் உள்ள குரல்வளத்தைக் கண்டுபிடித்து ஊக்கப்படுத்தினார். நல்ல தலைவர் என்பவர் மற்றவர்களிடம் உள்ள ஆற்றல்களைக் கண்டறிந்து அதை எப்படி முறையாகப் பயன்படுத்திக் கொள்ள வேண்டும் என்பதற்கு இந்த நிகழ்வு ஒரு சான்று.

இந்த வார சிந்தனை

“எது மிக உன்னத வழிமுறையாய் இருக்கிறதோ அதன் மூலம் தீமையைத் தடுப்பீராக.” (குர்ஆன் 23:96)

சிராஜுல்ஹஸன்

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • GodofWealth

    சீனாவில் காட் ஆஃப் வெல்த் பிறந்தநாள் கொண்டாட்டம்: மக்கள் உற்சாக கொண்டாட்டம்

  • world_sinkholess1

    வீடுகள், கார்களை புதைக்கும் அளவிற்கு உலகில் உள்ள ராட்சத பள்ளங்கள் மற்றும் புதைக்குழிகள்

  • thailand_cockk11

    தாய்லாந்தில் சேவல் சண்டை : சீற்றத்துடன் மோதிய சேவல்களை கண்டு பார்வையாளர்கள் குதூகலம்

  • kamal_politics_journey

    அப்துல்கலாம் இல்லத்தில் இருந்து அரசியல் பயணத்தை தொடங்கினார் நடிகர் கமல்ஹாசன்

  • female_lion111

    தாயை இழந்த மான் குட்டியை பரிவுடன் வளர்த்து வரும் பெண் சிங்கம்

படங்கள் வீடியோ கல்வி சினிமா ஜோ‌திட‌ம்
X