SUN குழுமத்திலிருந்து வெளிவரும் காலை நாளிதழ்

உடன்குடியில் முளைப்பாரி ஊர்வலம்

2017-10-12@ 11:45:54

உடன்குடி: உடன்குடி பெருமாள்புரம் முத்தாரம்மன் கோயில் கொடை விழாவில் முளைப்பாரி ஊர்வலம் நடந்தது. இதில் பக்தர்கள் திரளாகப் பங்கேற்றனர். உடன்குடி பெருமாள்புரம் முத்தாரம்மன் கோயில் வருடாந்திர கொடை விழா கடந்த 9ம் தேதி மாலை 6மணிக்கு சிறப்பு பூஜையுடன் துவங்கியது. இதையொட்டி அன்று இரவு 7மணிக்கு கன மழை பொழிந்து நாடு செழிக்க வேண்டி பெண்கள் நடத்தும் திருவிளக்கு பூஜை நடத்தினர். இரவு 9 மணிக்கு வில்லிசையும், நள்ளிரவு சிறப்பு பூஜையுடன் கும்பம் வீதியுலாவும் நடந்தது. 10ம் தேதி காலை 11 மணிக்கும், இரவு 9 மணிக்கும் வில்லிசையும், நண்பகல் மற்றும் நள்ளிரவு 1மணி அலங்கார பூஜையுடன் கும்பம் வீதியுலாவும் நடந்தது.

இதையொட்டி இரவு 10 மணிக்கு வாணவேடிக்கையுடன் முளைப்பாரி ஊர்வலம் நடந்தது. இதில் திரளாகப் பங்கேற்ற பக்தர்கள் முளைப்பாரி எடுத்து ஊர்வலமாக சென்று அம்மனுக்கு நேர்த்திக் கடன் செலுத்தினர். இதைத்தொடர்ந்து நேற்று (11ம் தேதி) காலை 9 மணிக்கு மஞ்சள் பெட்டி ஊர்வலம், காலை 10மணி, இரவு 9மணிக்கு வில்லிசை, நண்பகல் சிறப்பு பூஜையுடன் கும்பம் வீதியுலா, மாலை 3 மணிக்கு மஞ்சள் நீராடுதல், இரவு 8மணிக்கு மாவிளக்கு ஊர்வலம் மற்றும் சிறப்பு வழிபாடு நடந்தது. இன்று (12ம் தேதி) காலை 6 மணிக்கு கொடை விழா நிறைவு பூஜையும், பிரசாதம் வழங்குதலும் நடக்கிறது. ஏற்பாடுகளை பெருமாள்புரம் ஊர் கமிட்டியினர் செய்திருந்தனர்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • teacher_strike123

    சென்னையில் நடைபெற்ற இடைநிலை ஆசிரியர்கள் உள்ளிருப்பு போராட்டம் வாபஸ்..!

  • indo_fire_dead

    இந்தோனேஷியாவில் எண்ணெய் கிணற்றில் தீ : 21 பேர் பரிதாப பலி

  • hawai_volcano123

    ஹவாய் தீவு அருகே உள்ள எரிமலையில் சீற்றம்...ஆறாக ஓடும் எரிமலைக் குழம்பு!

  • aerospaceexpoberling

    பெர்லிங்கில் சர்வதேச ஏரோஸ்பேஸ் கண்காட்சி : பல்வேறு நாடுகளின் புதுமையான கண்டுபிடிப்புகள் காட்சிப்படுத்தப்பட்டன

  • accidentkushinagar

    உத்தரப்பிரதேச மாநிலம் குஷிநகரில் பள்ளிப்பேருந்து மீது ரயில் மோதிய விபத்தில் 11 மாணவர்கள் உயிரிழப்பு

படங்கள் வீடியோ கல்வி சினிமா ஜோ‌திட‌ம்