SUN குழுமத்திலிருந்து வெளிவரும் காலை நாளிதழ்

திருச்சி அருகே காசிவிஸ்வநாதர் கோயிலில் சிவலிங்கம் மீது சூரிய ஒளி

2017-08-24@ 12:34:57

திருச்சி: திருச்சி அருகே சர்க்கார்பாளையம் காசி விஸ்வநாதசுவாமி கோயிலில் நேற்று சிவலிங்கம் மீது சூரிய ஒளி படர்ந்த அபூர்வ நிகழ்வு நடந்தது. இதைக்காண ஏராளமான பக்தர்கள் திரண்டனர். திருச்சி கல்லணைரோடு பனையக்குறிச்சி சர்க்கார்பாளையத்தில் கரிகால் சோழனால் கட்டப்பட்ட பழமையான காசி விசாலாட்சி அம்பாள் உடனுறை காசி விஸ்வநாத சுவாமி கோயில் உள்ளது. இக்கோயிலில் ஆண்டுதோறும் ஆவணி மாதம் 7, 8 மற்றும் 9 ஆகிய தேதிகளில் சூரிய பூஜை நடக்கும். இதில் சூரிய உதயத்தில் தொடங்கி காலை 6 மணி முதல் 6.30 மணி வரை சூரிய ஒளி கோயிலில் முன் மண்டபம் வழியாக படிப்படியாக நகர்ந்து கருவறையில் உள்ள மூலவர் சிலையின் நெற்றிப்பொட்டில் திலகம் இட்டது போல் ஜொலிக்கும்.

இந்த நிகழ்வை சூரிய வழிபாடு என்று புராணங்கள் கூறுகின்றன. அதன்படி, நேற்று முதல் நாளை வரை 3 நாட்கள் சூரிய வழிபாடு நடை பெறும். இந்நிலையில் சிவலிங்கத்தின் மீது சூரிய கதிர்கள் படும் நேரத்தில் சுவாமியை வழிபட்டால் சிறந்த நற்பலன்களை கொடுக்கும் என்ற நம்பிக்கை பக்தர்களிடம் உள்ளது.
முதல் நாளான நேற்று காலை காசிவிஸ்வநாத சுவாமி கோயிலில் மூலவர் சிவலிங்கம் மீது சூரிய ஒளிபட்டு ஜொலித்த சிவலிங்கம் பிரகாசமாக காட்சியளித்த இந்த அரிய நிகழ்வை ஏராளமான பக்தர்கள் நீண்ட வரிசையில் நின்று தரிசனம் செய்தனர்.

ஆயிரத்தில் ஏன்? லட்ச்சத்தில் ஒருவரை தேர்ந்தெடுங்கள் - தமிழ் மேட்ரிமோனியில், பதிவு இலவசம்!

மேலும் செய்திகள்

Like Us on Facebook Dinkaran Daily News
  • DURGAPOOJA

    உன்னதமான பலவித கலைகளுடன் களை கட்டும் துர்கா பூஜை திருவிழா

  • RUSSIALIGHT

    ரஷ்யாவில் தொடங்கிய சர்கிள் ஆஃப் லைட் திருவிழா: வண்ணமயமான வானவேடிக்கைகளுடன் மக்கள் உற்சாக கொண்டாட்டம்

  • tirupatibrammorchavam2017

    திருப்பதி ஏழுமலையான் கோயில் பிரம்மோற்சவம் விழா: ஏராளமான பக்தர்கள் சுவாமி தரிசனம்

  • NIRMALASitharaman

    டெல்லியில் அமெரிக்க பாதுகாப்புத் துறை அமைச்சருடன் நிர்மலா சீதாராமன் சந்திப்பு

  • sachinswach

    தூய்மையே சேவை: தனது மகனுடன் குப்பைகளை அள்ளி சுத்தம் செய்த சச்சின் டெண்டுல்கர்

படங்கள் வீடியோ கல்வி சினிமா ஜோ‌திட‌ம்