SUN குழுமத்திலிருந்து வெளிவரும் காலை நாளிதழ்

வரங்கள் அருளும் வரசக்தி விநாயகா சரணம்!

2017-08-23@ 14:28:27

தமிழாகி, அறிவாகி, தவமாகி, வரமாகி
அருவாகி, உருவாகி, ஆனந்த வடிவாகி
அறமாகி, மறமாகி, அற்புத மூர்த்தியாகி
ஆல், அரச நிழலில் தவமாய் வீற்றிருக்கும்
அம்பிகை புதல்வனை பணிவோம்!
முதலாகி, மூப்பாகி
முடிவிலா தொடக்கமாகி
தொடக்கமிலா முடிவாகி
மூலப்பொருளாகிய மூஞ்சுறுவாகனன்
முக்குறுணி விநாயகா சரணம்!
துணிந்து தருவாய் தந்தமதை
தும்பிக்கையான் நம்பிக்கையால்
பணிந்து இயற்றுவேன் காப்பியம்!
கனிந்த அனுபவ மனதில்
கற்பனைக்கு கற்பகவிநாயகன் காப்பு!
அன்னம் பிசைந்து ஊட்டும்
அன்னை கைகளில் உருவான
அன்னவிநாயகா அறிவு திறந்தாய்!
அன்பு முதற்பொருள் வடிவானாய்
அத்தன் தேர்கால் அச்சுமுறித்து
ஆரம்ப கடவுளாய் பதவிபெற்றாய்!
மவுனகுரு ஆசி பெற்றால்
மனதில் நீரோடை எண்ணம்
மகிழ்ச்சி, தெய்வமணம் பெருகி
முகம் கோடிமலராய் ஒளிரும்!
பாதாள கணபதியை பணிந்து
பாவம் நீங்கி வாழ்வோம்!
சித்தி, புத்தி என்றால் வெற்றி, ஞானம்
வாழ்வில் கைசேர நாயகன் துணை!
பஞ்சபூதங்கள் ஆதாரமான
களிமண்ணால் பிள்ளையார் செய்து
கருத்தில், மனதில் பக்தி செலுத்தினால்
புத்திக்கூர்மை சிறந்து பெருகும்
‘தலையில் என்ன களிமண்ணா’
என்றுரைப்பவர் அவச்சொல் நீங்கும்!
விருப்பம் தீர்க்கும் விநாயகனுக்கு
பக்தனின் எளிய விண்ணப்பம்!
மகிழ்ச்சியாய் குடும்பத்தில் குலாவிடும்
குறையில்லாத வாழ்வு! நோயில்லா தேகம்!
தேவைக்கேற்ப நிதி!
கருத்தில் நற்சிந்தனை கவிதை!
உடுத்த தூய பட்டாடை!
பாலும், பழமும், உணவும்
பசித்தவருக்கு விருந்து தரும் வசதி!
வஞ்சனையில்லா நல்லோர் நட்பு
பஞ்சணையில் ஆழ்ந்த தூக்கம்!
தடையின்றி வரமாய் தந்தருள்
வரசக்தி விநாயகா சரணம்!

- விஷ்ணுதாசன்

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

  • holifestivel

    வடமாநிலங்களில் வண்ணப்பொடிகளை பூசி ஹோலி பண்டிகை உற்சாகமாக கொண்டாட்டம்

  • 20-03-2019

    20-03-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்