SUN குழுமத்திலிருந்து வெளிவரும் காலை நாளிதழ்

இருக்கன்குடி கோயிலில் அக்னி சட்டி எடுத்து பக்தர்கள் நேர்த்திக்கடன்

2017-08-12@ 12:57:24

சாத்தூர்: ஆடி கடைசி வெள்ளியை முன்னிட்டு சாத்தூர் அருகே உள்ள இருக்கன்குடி மாரியம்மன் கோயிலில், ஆயிரக்கணக்கான பக்தர்கள் பொங்கல் வைத்தும், அக்னிசட்டி எடுத்தும் நேர்த்திக்கடன் செலுத்தினர். விருதுநகர் மாவட்டம் சாத்தூர் அருகே உள்ள இருக்கன்குடி மாரியம்மன் கோயிலில் ஆடி கடைசி வெள்ளி திருவிழா கடந்த 4ம் தேதி கொடியெற்றத்துடன் தொடங்கியது. தமிழகத்தின் பல்வேறு பகுதிகளிலிருந்து ஏராளமான பக்தர்கள் கோயிலுக்கு வந்து அம்மனை வழிபட்டு நேர்த்திக்கடன் செலுத்தி வருகின்றனர். விழாவின் முக்கிய நிகழ்ச்சியான ஆடி கடைசி வெள்ளிக்கிழமையை முன்னிட்டு நேற்று அதிகாலை முதலே ஆயிரக்கணக்கான பக்தர்கள் அக்னி சட்டி ஏந்தி அம்மனுக்கு நேர்த்திக்கடன் செலுத்தினர்.

அதிகாலை உற்சவ மாரியம்மனுக்கு கும்பாபிஷேகம், அலங்காரம், தீபாராதனை நடைபெற்றது. தொடர்ந்து அம்மன் சிறப்பு அலங்காரத்தில் பக்தர்களுக்கு அருள் புரிந்தார். சிறப்பு மற்றும் பொது தரிசன பகுதியில் பக்தர்கள், நீண்ட வரிசையில் நின்று அம்மனை தரிசனம் செய்தனர். மேலும், ஆயிரக்கணக்கான பக்தர்கள் மொட்டை போட்டும், பொங்கல் வைத்தும், மாவிளக்கு ஏந்தியும், அங்கபிரதட்சணம் செய்தும் அம்மனை தரிசனம் செய்தனர். மதியம் 3 மணி அளவில் அம்மன் ரிஷப வாகனத்தில் வீதிவுலா வந்து பக்தர்களுக்கு அருள் பாலித்தார்.

விழாவை முன்னிட்டு கோயில் நிர்வாகம் சார்பாக பக்தர்களுக்கு பல்வேறு அடிப்படை வசதிகள் விரிவாக செய்யப்பட்டிருந்தது. உப்பத்தூர் அரசு ஆரம்ப சுகாதார நிலையம் சார்பாக கோயிலில் தற்காலிக மருத்துவ முகாம் அமைக்கப்பட்டிருந்தது. நெல்லை, மதுரை, சங்கரன்கோயில், தூத்துக்குடி உட்பட பல்வேறு பகுதிகளிலிருந்து சிறப்பு பேருந்துகள் இயக்கப்பட்டன. விருதுநகர் மாவட்ட எஸ்.பி. ராஜராஜன் தலைமையில் 600க்கும் மேற்பட்ட போலீசார் பாதுகாப்பு பணியில் ஈடுபட்டனர். திருவிழா ஏற்பாடுகளை கோயிலின் பரம்பரை அறங்காவலர் குழு உறுப்பினர்கள், செயல் அலுவலர் வில்வமூர்த்தி சிறப்பாக செய்திருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • SnakesDayatGuindy

    சென்னை கிண்டி பாம்புப்பண்ணையில் உலக பாம்புகள் தினம் கொண்டாடப்பட்டது

  • PMspeachshellfellwb

    மேற்குவங்கத்தில் பிரதமர் உரையின்போது கொட்டகை சரிந்து விழுந்தது: காயமடைந்தவர்கள் மருத்துவமனையில் அனுமதி

  • BastilleDaycelebration

    பிரான்ஸ் நாட்டின் தேசிய தினம் கொண்டாட்டம்: 100 விமானங்களின் சாகச நிகழ்ச்சி

  • BodyPaintingFestival

    உடல் ஓவியத் திருவிழா 2018: வித்தியாசமான தோற்றத்தில் மாடல்கள்

  • 21stAnnualMudfestival

    தென்கொரியாவில் 21வது வருடாந்திர சேறு தின விழா கொண்டாட்டம்

படங்கள் வீடியோ கல்வி சினிமா ஜோ‌திட‌ம்