SUN குழுமத்திலிருந்து வெளிவரும் காலை நாளிதழ்

புதன், சுக்கிர பெயர்ச்சிக்கு விழா இல்லையே ஏன்?

2017-08-05@ 12:51:52

சந்திரன், சூரியன், புதன், சுக்கிரன், செவ்வாய், குரு, ராகு, கேது, சனி என்பன நவக்கிரகங்கள் ஆகும். இக்கிரகங்கள் ஒவ்வொரு ராசிக்கும் இடம்பெயரும் போது வெவ்வேறு விதமான பலன்கள் ஏற்படும். சந்திரனை பொறுத்தளவில் இரண்டே கால் நாளுக்கு ஒருமுறையும், புதன், சூரியன், தலா ஒரு மாதமும், சுக்கிரன் ஒன்றரை மாதமும், செவ்வாய் ஒன்று முதல் 6 மாதங்கள் வரையிலான காலகட்டங்களில் இடம்பெயரும். குறைவான காலகட்டத்தில் இக்கிரகங்கள் இடம்பெயர்ந்து விடுவதால் பலனும், பாதிப்பும் குறைவான காலங்களிலே இருக்கும். இதே சுழற்சி அடுத்தடுத்து நிகழ்வதால் இக்கிரகங்களின் இடப்பெயர்ச்சி பெரியளவில் பேசப்படுவதில்லை.

ஆனால் குருவை பொறுத்தளவில் ஓராண்டிலும், ராகுகேது ஒன்றரை ஆண்டுகளுக்கு ஒருமுறையும், சனி 2.5 ஆண்டுகளுக்கு ஒருமுறையும் என ஒரு ராசியில் சஞ்சரிக்க நேரம் எடுத்து கொள்ளும். இந்த வீரிய கிரகங்கள் குறைந்தது ஓராண்டு முதல் 2.5 ஆண்டுகள் வரை ராசிகளில் சஞ்சரிப்பதால் பாதிப்பும், பலனும் அக்காலம் முழுவதும் தொடரும். இதனால் இக்கிரக பெயர்ச்சிகள் விழா போன்று சிறப்பித்து கொண்டாடப்படுகிறது. பாதிப்பு ஏற்படுபவர்கள் நிவர்த்தி பூஜைகளும், பலன் கிடைக்கும் ராசிக்காரர்கள் அதனை முழுமையாக பெறவும் வழிபாடுகளை மேற்கொள்கின்றனர்.

குரு ஆண்டுதோறும் இடம்பெயர்வதால் பெரும்பாலான ஆண்டுகளில் குருப்பெயர்ச்சி ஏற்படும். ராகுகேதுவை பொறுத்தளவில் ஒன்றரை ஆண்டுகளுக்கு ஒருமுறை நடைபெறுவதால் ஒரு சில ஆண்டுகளில் இதன் பெயர்ச்சி இருக்காது. 2014க்கு பிறகு ஒரே ஆண்டில் குரு, ராகுகேது, சனிப்பெயர்ச்சிகள் நடைபெறுவது இந்த ஆண்டில் தான். திருக்கணித பஞ்சாங்கப்படி வரும் 27ல் ராகுகேது பெயர்ச்சியும், செப்டம்பர் 2ல் குரு பெயர்ச்சியும், டிசம்பர் 19ல் சனிப்பெயர்ச்சியும் நடைபெற உள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 17-12-2017

    17-12-2017 இன்றைய சிறப்பு படங்கள்

  • modi_well_fare

    மோடியின் மிசோரம், மேகாலயா பயணம்: பல்வேறு நலத்திட்ட பணிகள் தொடங்கி வைப்பு

  • delhiamarsolidiers

    இந்தியா-பாகிஸ்தான் போரின் 46வது வெற்றி தினத்தையொட்டி அமர் ஜவான் ஜோதியில் ராணுவ வீரர்கள் மரியாதை

  • RahulGandhitakecharge

    காங்கிரஸ் தலைவரானார் ராகுல்காந்தி: தொண்டர்கள் இனிப்புகள் வழங்கியும், பட்டாசு வெடித்தும் கொண்டாட்டம்

  • panipolivu_11

    வட மாநிலங்களில் கடும் பனிப்பொழிவு :வாட்டி வதைக்கும் குளிரை தணிக்க தீமூட்டி குளிர்காயும் மக்கள்

படங்கள் வீடியோ கல்வி சினிமா ஜோ‌திட‌ம்