SUN குழுமத்திலிருந்து வெளிவரும் காலை நாளிதழ்

ராமேஸ்வரம் கோயிலில் ஆடி திருவிழா கொடியேற்றம் : ஜூலை 28ல் அம்பாள் திருக்கல்யாணம்

2017-07-17@ 17:31:03

ராமேஸ்வரம்: ராமேஸ்வரம் ராமநாதசுவாமி கோயில் ஆடி திருவிழா இன்று காலை கொடியேற்றத்துடன் துவங்கியது. வரும் 28ம் தேதி சுவாமிஅம்பாள் திருக்கல்யாண உற்சவம் நடைபெறுகிறது. ராமேஸ்வரம் ராமநாதசுவாமி கோயிலில் ஆடி திருக்கல்யாண உற்சவ திருவிழா இன்று காலை கொடியேற்றத்துடன் துவங்கியது. இதையொட்டி இன்று அதிகாலை 4 மணிக்கு கோயில் நடை திறககப்பட்டு, 5 மணிக்கு ஸ்படிலிங்க பூஜை நடந்தது. காலை 9.30 மணிக்கு பர்வதவர்த்தினி அம்பாள் சர்வ அலங்காரத்தில் நவசக்தி மண்டபத்திற்கு எழுந்தருளினார். தொடர்ந்து நவசக்தி மண்டபத்தில் அமைந்துள்ள அம்பாள் தங்க கொடிமரத்திற்கு சிறப்பு அபிஷேகம் மற்றும் பூஜை செய்து காலை 10.30 மணிக்கு கோயில் குருக்களால் கொடியேற்றப்பட்டது. பின் பர்வதவர்த்தினி அம்பாளுக்கு சிறப்பு தீபாராதனை நடந்தது.

கோயில் இணை கமிஷனர் மங்கையர்கரசி, உதவி கமிஷனர் பாலகிருஷ்ணன், மேனேஜர் முருகேசன் மற்றும் ஏராளமான பக்தர்கள் பங்கேற்றனர். இன்று இரவு 8 மணிக்கு கோயில் குடவர வாயிலில் பர்வதவர்த்தினி அம்பாள் வெள்ளி அன்ன வாகனத்தில் எழுந்தருளி, ரத வீதிகளில் உலா வருகிறார். விழாவையொட்டி தினமும் காலை 8 மணிக்கு மேல் அம்பாள் தங்கப்பல்லக்கில் வீதியுலா நிகழ்ச்சி நடைபெறும். ஜூலை 23ல் ஆடி அமாவாசையை முன்னிட்டு அக்னிதீர்த்த கடலில் தீர்த்தவாரி உற்சவமும், 25ல் அம்பாள் தேரோட்டம், 27ல் தபசு மண்டகப்படிக்கு எழுந்தருளல் மற்றும் பூப்பல்லக்கு வீதியுலா நடைபெறுகிறது. 28ம் தேதி இரவு 8 மணிக்கு தெற்கு திருக்கல்யாண மண்டபத்தில் சுவாமிஅம்பாள் திருக்கல்யாண உற்சவமும், ஆக.2ல் கந்தமாதன பர்வதம் மண்டகப்படிக்கு எழுந்தருளல் நிகழ்ச்சியும் நடைபெறுகிறது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-06-2018

    23-06-2018 இன்றைய சிறப்பு படங்கள்

  • chennai_protest123

    நீட் தேர்வில் நிரந்தர விலக்கு கோரி தலைமைச் செயலகத்தை முற்றுகையிட முயற்சி: மாணவர்கள் கைது

  • cleanesttrainPurityIndia

    ரயில்வே பாதுகாப்பு படை சார்பில் தூய்மை ரயில் - தூய்மை இந்தியா

  • fifa_fans123

    உலகக் கோப்பை கால்பந்து போட்டி: முகத்தில் வர்ணம் பூசி உற்சாகமாக கண்டுகளிக்கும் ரசிகர்கள்!

  • whatsapp_police11

    வாட்ஸ் அப் வதந்திகளை நம்பாதீர் : தண்டோரா போட்டு பிரச்சாரம் செய்யும் பெண் ஐபிஎஸ் அதிகாரிக்கு சல்யூட்

படங்கள் வீடியோ கல்வி சினிமா ஜோ‌திட‌ம்