SUN குழுமத்திலிருந்து வெளிவரும் காலை நாளிதழ்

அரியாத்தம்மன் கோயிலில் சிறப்பு யாகசாலை பூஜை

2017-07-04@ 14:12:07

ஆரணி:  ஆரணி அரியாத்தம்மன் கோயிலில் நாளை(5ம் தேதி) கும்பாபிஷேகம் நடைபெற உள்ளது. இதையொட்டி நடந்த சிறப்பு யாகசாலை பூஜையில் அமைச்சர் சேவூர் எஸ்.ராமச்சந்திரன், ரத்தினகிரி பாலமுருகனடிமை சுவாமிகள் ஆகியோர் கலந்துகொண்டனர். ஆரணி நகரின் காவல் தெய்வான அரியாத்தம்மன் கோயில் பல நூற்றாண்டுகள் பழமையானது. இக்கோயில் கும்பாபிஷேகத்தையொட்டி புனரமைப்பு பணிகள் நடைபெற்று வந்தன. அதன்படி, கோயில் கருவறை, விமானம், ராஜகோபுரம், மகா மண்டபம், மடப்பள்ளி, கன்னிமார் கோயில், பஞ்சமுக ஆஞ்சநேயர் கோயில், அரசமர நாகசிலை மேடை புதுப்பித்தல், பரிவார தெய்வங்கள் சிலை அமைத்தல், புற்றுக்கோயில் அமைத்தல் உள்ளிட்ட திருப்பணிகள் நடைபெற்றது.

இந்நிலையில் இக்கோயிலில் நாளை(5ம் தேதி)காலை 11 மணியளவில் மகா கும்பாபிஷேகம் நடைபெற உள்ளது. இதையொட்டி, கோயில் வளாகத்தில் அமைக்கப்பட்ட யாகசாலையில் கடந்த நேற்று முன்தினம்(ஞாயிறு) முதல் யாகசாலை பூஜை உள்ளிட்ட பல்வேறு பூஜைகள் நடைபெற்று வருகிறது. இந்நிலையில், நேற்று காலை நடந்த யாகசாலை வழிபாட்டில் ரத்தினகிரி பாலமுருகனடிமை சுவாமிகள், கலவை சச்சிதானந்த சுவாமிகள் கலந்து கொண்டனர். பின்னர், இரவு 7 மணி அளவில் தமிழக இந்து சமய அறநிலையத்துறை அமைச்சர் சேவூர் எஸ்.ராமச்சந்திரன், எம்பி செஞ்சி சேவல் வி.ஏழுமலை ஆகியோர் கலந்துகொண்டு வழிபட்டனர். கும்பாபிஷேகத்திற்கான ஏற்பாடுகளை விழாக்குழுவினர் செய்து வருகின்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 10thexams_111

    10ம் வகுப்பு அரையாண்டு தேர்வுகள் தொடங்கியது

  • hardik_anivaguppu

    பாடிதாரின் கிளர்ச்சி தலைவர் ஹார்டிக் படேல் அகமதாபாத்தில் நடத்திய மாபெரும் மோட்டார் சைக்கிள் அணிவகுப்பு

  • rahulgandhi_11

    அகில இந்திய காங்கிரஸ் தலைவரான ராகுல்காந்தியின் அரசியல் வாழக்கையை எடுத்துரைக்கும் அரிய படங்கள்

  • kumari_ogi_puyal11

    ஓகி புயல் பாதிப்பிற்கு நிவாரணம் கேட்டு குமரி மீனவர்கள் கருப்புக்கொடிகளுடன் கடலில் இறங்கி மனித சங்கிலி போராட்டம்

  • porattam_arasu_11

    அரசு மருத்துவர்களுக்கான நேர்முக கலந்தாய்வை ரத்து செய்ய கோரி பட்டை நாமம் அணிந்து, ஆணி மேல் நடக்கும் நூதன போராட்டம்

படங்கள் வீடியோ கல்வி சினிமா ஜோ‌திட‌ம்