SUN குழுமத்திலிருந்து வெளிவரும் காலை நாளிதழ்

மதுராந்தகத்தில் பஞ்ச சம்ஸ்காரம்!

2017-05-19@ 10:09:48

காஞ்சிப் பேரருளாளன் திருக்கச்சி நம்பிகள் மூலமாகத் தனக்கு இட்ட கட்டளைப்படி ராமானுஜர் பெரிய நம்பியை சந்திக்கத் திருவரங்கம் நோக்கி புறப்பட்டார். இதனிடையில் பெரிய நம்பிகளும் ராமானுஜரை சந்திக்க காஞ்சிப் பயணம் மேற்கொண்டார். யதேச்சையாக இருவரும் மதுராந்தகத்தில் ஏரி காத்த ராமபிரான் சந்நதியில் சந்தித்தனர். பெரிய நம்பிகளிடம் ராமானுஜர் இங்கேயே தமக்கு பஞ்ச ஸம்ஸ்கார சடங்கினை நிறைவேற்றும்படி வேண்டிக்கொள்ள அதன்படி சந்நதியின் உள்ளே இருந்த ஒரு மண்டபத்தில் அச்சடங்கு நடந்தேறியது.

மதுராந்தகத்தில் தனிச் சந்நதியில் ராமானுஜர் காட்சியளிக்கும் சந்நதி அமைந்துள்ளது. பெரிய நம்பிகள் தன் ஆராதனைப் பெருமானான கண்ணனுடன் மற்றும் பஞ்ச ஸம்ஸ்காரத்திற்கு உபயோகித்த சூட்டுக் கோல்களுடன் காட்சியளிக்க, ராமானுஜரும் அவர் அருகில் வெள்ளை வஸ்திரத்துடன் (அப்போது அவர் கிரஹஸ்தாஸ்ரமத்தில் இருந்தபடியால்) காட்சியளிக்கிறார். இதை முன்னிட்டு ஆவணி மாதத்தில் ஒரு விழா நடத்தப்படுகிறது.ஒரு சமயம் ஸ்ரீரங்கத்தில் இருந்தபோது (சன்னியாசியான பிறகு) ராமானுஜர் சில வீடுகளில் பிட்ஷை எடுத்து அதில் கிடைக்கும் அரிசியைக் கொண்டு உணவு தயாரித்து சாப்பிடுவது வழக்கம்.

ராமானுஜர் பொதுவாக ஆண்டாளின் திருப்பாவையையே எப்போதும் மனதில் நினைத்துக் கொண்டே இருப்பார். ஒருசமயம் அவர் பெரிய நம்பிகளின் திருமாளிகைக்கு பிட்ஷை பெற சென்றபோது 18ம் பாசுரமான ‘‘உந்து மத களித்தன்’’ பாசுரத்தை மனதில் பாடியவாறே சென்றார். அவ்வமயம் பெரிய நம்பிகளின் குமாரத்தி அத்துழாய் என்பாள் கதவை திறந்து பிட்ஷை இட வந்தபோது ராமானுஜர் தரையில் விழுந்து அவளை வணங்கிவிட்டார்.

இதனைக் கண்டு பதறிப்போன அத்துழாய் தனது தந்தையிடம் சென்று விவரத்தைக் கூற, ‘‘ராமானுஜர் ‘உந்து மத களித்தன்’ ஆண்டாளின் பாடலில் நெஞ்சுருகி உன்னை திருமகளாக நினைத்தே அவ்வாறு செய்தார்,’ என்று கூறி அவளுடைய அச்சம் மிகுந்த ஐயத்தைப் போக்கினார். அதோடு, ராமானுஜருக்கு ‘திருப்பாவை ஜீயர்’ என்று திருநாமம் இட்டு பெருமை செய்தார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

  • 23-06-2018

    23-06-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்