SUN குழுமத்திலிருந்து வெளிவரும் காலை நாளிதழ்

அம்மாசத்திரம் காலபைரவர் கோயிலில் தேய்பிறை அஷ்டமி பெருவிழா

2017-04-21@ 14:54:46

கும்பகோணம்: அம்மாசத்திரம் சதுர்காலபைரவர் கோயிலில் சதுர்காலபைரவருக்கு தேய்பிறை அஷ்டமி பெருவிழாவை முன்னிட்டு சிறப்பு வழிபாடு நடைபெற்றது. கும்பகோணம் அடுத்த அம்மாச்சத்திரத்தில்  ஞானாம்பிகை சமேத சப்தரிஷீஸ்வரர் கோயில் அமைந்துள்ளது. தஞ்சாவூர் அரண்மனை தேவஸ்தானத்திற்கு சொந்தமான 88 கோயில்களில் இக்கோயிலும் ஒன்று. சிறப்பு பெற்ற இக்கோயிலை பக்தர்கள் காலபைரவர் கோயில் என அழைக்கின்றனர். காசிக்கு நிகராக காலபைரவர் தலமாக போற்றப்படும் இக்கோயிலில் உள்ள பார்வதி தேவியை சிவபெருமானுக்கு திருமணம் பேசி நடத்தி வைத்த சப்தரிஷிகளான மரீசி, அத்ரி, புலத்தியர், கிரது, ஆங்கிரசர், வசிஷ்டர், பரத்வாஜர் ஆகிய 7 பேரும் பூஜைகள் செய்து வழிபட்டதால் இத்தலத்தின் சுவாமிக்கு சப்தரிஷீஸ்வரர் என்று பெயர்  பெற்றதாக வரலாறு.

இத்தலத்தில் எழுந்தருளியுள்ள அம்பாளின் பெயர் ஞானம்பிகை. மேலும் பஞ்ச கன்னிகளாகிய மகேஸ்வரி, பிரம்மகி, வைஷ்ணவி, கவுமாரி, இந்திராணி ஆகிய தெய்வங்களும்  இத்தலத்தில் எழுந்தருளியிருப்பது சிறப்பாகும். இங்கு எழுந்தருளியிருக்கும் காலபைரவர் சனிக்கு குருவாகவும், தெய்வமாகவும் விளங்கி காலத்தை இயக்குவதால் இவருக்கு காலபைரவர் என்று பெயர் பெற்றுள்ளது. சிறப்பு வாய்ந்த கோயிலில் காலபைரவருக்கு நேற்று முன்தினம் இரவு தேய்பிறை அஷ்டமியை முன்னிட்டு சிறப்பு அபிஷேகம், அலங்காரம் நடைபெற்றது. அன்றைய தினம் மாலை 5 மணிக்கு சிறப்பு பைரவ ஹோமம், மாலை 6.30மணிக்கு 23 வகையான திரவியங்களுடன் சிறப்பு அபிஷேகமும், இரவு 8மணிக்கு மலர்களால் அலங்கரிக்கப்பட்டு மகாதீபாராதனையும் நடைபெற்றது. விழா ஏற்பாடுகளை  தஞ்சாவூர் அரண்மனை தேவஸ்தானமும், காலபைரவர் வழிபாட்டு குழுவினரும் செய்திருந்தனர்.

வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • tulipTOEWFLOAWERS

    அமெரிக்காவில் ஸ்கஜித் பள்ளத்தாக்கில் 34-வது மலர் திருவிழா: பூத்துக் குலுங்கும் துலிப் மலர்கள்

  • INDAIANdogEXHIBIATION

    கென்னல் கிளப் சார்பில் நடைபெற்ற அகில இந்திய நாய் கண்காட்சி : பல்வேறு வகையான நாய்கள் பங்கேற்பு

  • fireFRIIN4hatrdAMBB

    அச்சகத்திற்கு மை தயாரிக்கும் கம்பெனியில் தீடீரென்று ஏற்பட்ட தீவிபத்து : 4மணி நேரம் போராடி தீயை அணைத்தனர்

  • ooti_kodai_flow

    விடுமுறை தினத்தை முன்னிட்டு ஊட்டி & கொடைக்கானல் தாவரவியல் பூங்காவில் மக்கள் கூட்டம் அலைமோதியது

  • streets_madhava

    சித்திரை திருவோணப் பெருவிழா : சேஷ வாகனத்தில் மாதவப்பெருமாள் வீதி உலா