SUN குழுமத்திலிருந்து வெளிவரும் காலை நாளிதழ்

மரக்காணத்தில் மழைவேண்டி முஸ்லிம்கள் சிறப்பு கூட்டு பிரார்த்தனை

2017-04-21@ 14:49:56

மரக்காணம்: மரக்காணம் பகுதியில் கடந்த ஆண்டு பருவமழை பொய்த்து போனது. இதனால் ஏரி, குளங்கள் உள்ளிட்ட நீர்நிலைகள் அனைத்தும் கடந்த 3 மாதத்திற்கு முன்பே வறண்டு போனது. இதனால் இப்பகுதியில் வரலாறு காணாத வகையில் வெயிலின் தாக்கம் அதிகமாக உள்ளது. இந்நிலையில் கடந்த வாரம் வங்கக் கடலில் உண்டான மருதா புயலால் கடற்கரை ஓரம் உள்ள மாவட்டங்களில் காற்றின் ஈரப்பதம் உறிஞ்சப்படுவதால் அனல் காற்றுடன் கூடிய கோடை வெயில் மக்களை வாட்டி வதைத்து வருகிறது. வெயிலில் இருந்து தங்களை பாதுகாத்து கொள்ள பொதுமக்கள் பகல் நேரங்களில் வெளியில் வராமல் வீட்டுக்குள்ளேயே முடங்கி கிடக்கும் நிலை உள்ளது. இங்கு நிலத்தடி நீர் மட்டம் வெகுவாக குறைந்து விட்டதால் இது வரையில் இல்லாத அளவுக்கு குடிநீர் தட்டுப்பாடு ஏற்பட்டுள்ளது.  

இதுபோல் ஏரிகள், குளங்கள் உள்ளிட்ட நீர்நிலைகள் வறண்டதால் ஆடு, மாடு போன்ற கால்நடைகளுக்கு கூட குடிக்க தண்ணீர் கிடைக்காத நிலை ஏற்பட்டுள்ளது. இந்த தண்ணீர் பஞ்சத்தின் காரணமாக பல விவசாயிகள் தங்களிடம் இருக்கும் கால்நடைகளை வந்த விலைக்கு விற்பனை செய்து விடுகின்றனர். இதே நிலை நீடித்தால் கால்நடைகள் உள்ளிட்ட பல உயிரினங்கள் தண்ணீர் கிடைக்காமல் அழிந்து விடும் அபாய நிலை உள்ளது. இந்நிலையில் மரக்காணம் அருகே கூனிமேடு பகுதியை சேர்ந்த சுன்னத் ஜமாத் சார்பில் முஸ்லிம் பொதுமக்கள் 300க்கும் மேற்பட்டோர் அப்பகுதியில் உள்ள பள்ளிவாசலில் இருந்து ஊர்வலமாக சென்று கழுவெளி பகுதியில் சுட்டெரிக்கும் வெளிலில் திறந்த வெளியில் அமர்ந்து மழைவேண்டி சிறப்பு கூட்டு பிரார்த்தனை செய்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • sushmafrancepm

    பிரான்ஸ் அதிபருடன் சுஷ்மா சுவராஜ் சந்திப்பு : இருநாட்டு உறவுகள் குறித்து பேச்சுவார்த்தை

  • coolingtowersflorida

    அமெரிக்காவின் புளோரிடா மாகாணத்தில் குளிர்விப்பு கோபுரங்கள் வெடிவைத்து தகர்க்கப்படும் காட்சிகள்!

  • taiwaneseminimodels

    தைவானிய நுண்பொருள் கலைஞரால் வடிவமைக்கப்பட்ட மிகச்சிறிய மாதிரிகளின் புகைப்படத் தொகுப்பு

  • tentsforchildrenstexas

    அமெரிக்காவில் பெற்றோர்களிடமிருந்து பிரிக்கப்பட்ட குழந்தைகளுக்காக டெக்சஸில் கூடாரங்கள் அமைப்பு!

  • PresidentGreeceleaders

    அரசு முறைப் பயணமாக ஜனாதிபதி ராம்நாத் கோவிந்த் கிரீஸ் பயணம்: முக்கிய தலைவர்களுடன் சந்திப்பு

படங்கள் வீடியோ கல்வி சினிமா ஜோ‌திட‌ம்