SUN குழுமத்திலிருந்து வெளிவரும் காலை நாளிதழ்

வீரபாண்டி கவுமாரியம்மன் கோயிலில் கம்பம் நடுதல்

2017-04-20@ 14:13:40

தேனி: வீரபாண்டி கவுமாரியம்மன் கோயிலில் நேற்று நடந்த சித்திரை திருவிழாவிற்கான கம்பம் நடுதல் நிகழ்ச்சியில் ஆயிரக்கணக்கான பக்தர்கள் திரண்டனர்.
தேனி அருகே வீரபாண்டியில் கவுமாரியம்மன் கோயில் உள்ளது. இக்கோயிலில் ஆண்டுதோறும் சித்திரை மாதம் இறுதியில் சித்திரைத் திருவிழா எட்டு நாட்கள் கோலாகலமாக கொண்டாடப்படுவது வழக்கம். இத்திருவிழாவில் பக்தர்கள் தங்களது பிரார்த்தனைகள் நிறைவேறியதற்காக நேர்த்திக்கடன்களை செலுத்துவர். எட்டு நாட்கள் இரவு, பகல் என நடக்கும் இத்திருவிழாவைக் காண தேனி, திண்டுக்கல், மதுரை, திருப்பூர் உள்ளிட்ட பல்வேறு மாவட்டங்களில் இருந்தும் லட்சக்கணக்கான பக்தர்கள் வருவர்.

இத்தகைய சிறப்பு வாய்ந்த வீரபாண்டி கவுமாரியம்மன் கோயில் சித்திரைத் திருவிழாவிற்கான கம்பம் நடுதல் நிகழ்ச்சி நேற்று காலை கோயில் வளாகத்தில் நடந்தது. நேற்று அதிகாலை பரம்பரை உபயதாரர்கள் மேளதாளத்துடன் வீரபாண்டி முல்லைபெரியாற்றில் இருந்து முக்கொம்பை எடுத்து வந்து கோயிலில் நட்டனர். பின்னர் பரம்பரை உபயதாரர்கள் மற்றும் பக்தர்கள் கம்பத்திற்கு மஞ்சள் நீர், புனித நீரால் அபிஷேகம் செய்தனர்.

மேலும், போடியை சேர்ந்த பரம்பரை பட்டயக்காரர்கள் வீரபாண்டி முல்லையாற்றங்கரையில் உள்ள கன்னீஸ்வரமுடையார் கோயிலில் இருந்து பக்தி பரவசத்துடன் அரிவாள் மீது ஏறி வந்து கம்பத்திற்கு புனிதநீர் தெளித்தனர். கம்பம் நட்டதையடுத்து நேற்று கோயிலில் உள்ள உற்சவ அம்மன் சிலை வீரபாண்டி கிராமத்திற்குள் உள்ள கோயில் வீட்டிற்கு சென்றது. இதனையடுத்து, நேற்று மாலை முதல் தொடர்ந்து 22 நாட்களுக்கு உபயதாரர்கள் மூலம் மாலையில் அலங்கரிக்கப்பட்ட வாகனத்தில் அம்மன் அலங்கரிக்கப்பட்டு மண்டகப்படி நடத்தப்பட இருக்கிறது. 23ம் நாளான வருகிற மே 9ம் தேதி முதல் 16ம்தேதி வரை சித்திரைத் திருவிழா நடக்க உள்ளது.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • ShangaiConstrutionBank

    ஊழியர்கள் இல்லை...ரோபோக்களை கொண்டு தானாக இயங்கும் வங்கி: சீனாவில் தொடக்கம்

  • YemenAirstrikeSaudi

    ஏமனில் திருமண வீட்டில் சவுதிக் கூட்டுப்படைகள் தாக்குதல்: அப்பாவி பொதுமக்கள் 20 பேர் பலி

  • CherobylNuclearPowerplant

    32 ஆண்டுகளுக்கு முன் பேரழிவை உண்டாக்கிய செர்னோபில் அணுமின் நிலையத்தின் தற்போதயை நிலை: புகைப்படங்கள் வெளியீடு

  • ImmanueltrumpMeet

    அமெரிக்க அதிபர் டொனால்ட் டிரம்புடன் பிரான்ஸ் அதிபர் இம்மானுவேல் மேக்ரான் சந்திப்பு: புகைப்படங்கள்

  • SvetlanaVillageRussia

    மாற்றுத்திறனாளிகள் மட்டுமே வாழும் அதிசய கிராமம்: சேவை நோக்கத்துடன் உடனிருக்கும் தன்னார்வ தொண்டர்கள்!

படங்கள் வீடியோ கல்வி சினிமா ஜோ‌திட‌ம்